មកលើកនេះ ឱក សុគន្ធកញ្ញា ស៊ីអារម្មណ៍ហ្វេនៗមួយទំហឹង ក្នុងអាងទឹក

ភ្នំពេញ៖ បើនិយាយដល់ កំពូលតារាចម្រៀងស្រី  ឱក សុគន្ធកញ្ញា   ប្រិយមិត្តច្បាស់ជាស្គាល់ហើយថា នាងជាតារាស្រីមួយរូប មានសមត្ថភាពច្រៀងបានយ៉ាងពីរោះ គួរឲ្យចង់ស្ដាប់ និងកំពុងមានឥទ្ធិពលខ្លាំងក្នុងស្រទាប់ដួងចិត្តយុវវ័យនាពេលបច្ចុប្បន្ន  ដោយសារតែរាល់បទចម្រៀងរបស់នាងចេញមកនីមួយៗ សុទ្ធសឹងតែបង្កប់អត្ថន័យពីរោះៗ ស្ដាប់មិនជិនណាយនោះឡើយ។

លើសពីនេះ ក្រៅពីមានទេពកោសល្យសិល្បៈយ៉ាងសម្បូរបែបហើយនោះ ឱក សុគន្ធកញ្ញា ក៏មានរូបសម្បត្តិស្រស់ស្អាតមិនណយដែរ ខណៈសព្វថ្ងៃនេះ នាងមានវ័យកាន់តែដើរទៅមុខ ហើយថែមទាំងមានគ្រួសារ មានកូនមួយរួចទៅហើយក៏ដោយ ប៉ុន្តែការថែរក្សាសម្ផស្ស និងការលេងស្ទីលតែងខ្លួនរបស់អ្នកម៉ាក់សម័យថ្មីរូបនេះ នៅតែស្អាតខ្ញង់ៗមិនចាញ់កាលក្រមុំឡើយ ពិសេសគឺកាន់តែស៊ិចស៊ីជាងមុនផ្ទាល់តែម្ដង។

ជាក់ស្ដែងថ្មីៗនេះ ឱក សុគន្ធកញ្ញា ទើបតែបានបញ្ចេញរូបភាពប៉ុន្មានសន្លឹកដែលដកស្រង់ចេញពីក្នុង MV បទថ្មីរបស់នាង ដោយតាមរយៈរូបទាំងនោះ ពិតជាគួរឲ្យចាប់អារម្មណ៍ខ្លាំងមែនទែន ដែលធ្វើឲ្យហ្វេនៗឃើញហើយមើលស្ទើរមិនចង់ព្រិចភ្នែកនោះឡើយ។

ដោយក្នុងនោះដែរ តារាស្រីរូបនេះ បានបង្អួតសម្រស់ក្នុងឈុតស៊ិចស៊ី បញ្ចេញសាច់ដ៏សខ្ចីរបស់់នាងមួយទំហឹង អង្គុយប្រលែងខ្លួនក្នុងអាងទឹកយ៉ាងជឿជាក់ មើលទៅពិតជាស្អាតនិងស្រស់ស្រាយ អ្នកណាឃើញហើយក៏សរសើរពីនាងគ្រប់គ្នាផងដែរ៕

ទស្សនារូបភាពខាងក្រោម៖