ឧទ្ធម្ភាគចក្រពីរគ្រឿង ហោះហើរប៉ះទង្គិចគ្នាលើអាកាស បណ្ដាលឲ្យមួយគ្រឿងធ្លាក់មកលើដី និងមានមនុស្សស្លាប់ (មានវីដេអូ)

ម៉ាឡេសុី៖ កាលពីថ្ងៃអាទិត្យម្សិលមិញនេះ នាវេលាម៉ោង១១:៤៥នាទីព្រឹក (ម៉ោងក្នុងប្រទេសម៉ាឡេសុី) មានហេតុការណ៍មួយបានកើតឡើង ដោយឧទ្ធម្ភាគចក្រពីរគ្រឿង បានហោះហើរប៉ះទង្គិចគ្នាលើអាកាស នៅក្បែរតំបន់ Taman Melawati។

តាមប្រភពព័ត៌មានបានឲ្យដឹងថា នៅក្នុងហេតុការណ៍ខាងលើ បានបណ្ដាលឲ្យឧទ្ធម្ភាគចក្រពណ៌សលាយខៀវធ្លាក់ចុះទៅលើដី និងស្លាប់ពីឡុតម្នាក់ រួមទាំងអ្នកដំណើរម្នាក់ ដែលជាអ្នកជំនួញ។ ចំណែកឧទ្ធម្ភាគចក្រពណ៌សលាយក្រហមវិញ មានពីឡុតម្នាក់ និងអ្នកដំណើរម្នាក់ដូចគ្នា បានគ្រប់គ្រងការចុះចតជាបន្ទាន់នៅឯទីធ្លាសាលារៀនមួយកន្លែង។

យ៉ាងណាមិញ ពីឡុតឧទ្ធម្ភាគចក្រពណ៌សលាយក្រហម រួមទាំងអ្នកដំណើររបស់ខ្លួន បានរងរបួសប៉ុណ្ណោះ និងត្រូវបានគេបញ្ជូនទៅព្យាបាលនៅមន្ទីរពេទ្យ ហើយការស៊ើបអង្កេតបន្ថែម នឹងត្រូវបានអនុវត្តដោយអាជ្ញាធរពាក់ព័ន្ធផងដែរ៕

សូមទស្សនារូបភាពនិងវីដេអូខាងក្រោម៖