ឥទ្ធិពលកូនព្យុះឈ្មោះ អេតូ នឹងចូលមកដល់ភាគខាងកើតប្រទេសកម្ពុជា នាថ្ងៃទី១១ ខែវិច្ឆិកាខាងមុននេះ

ភ្នំពេញ៖ យោងតាមសេចក្ដីជូនដំណឹង របស់ក្រសួងធនធានទឹក និងឧតុនិយម នាព្រឹកថ្ងៃអាទិត្យ ទី០៨ ខែវិច្ឆកា ឆ្នាំ២០២០ នេះ បានឲ្យដឹងថា ឥទ្ធិពលនៃកូនព្យុះទី២១ ឈ្មោះ អេតូ (ETAU) នឹងចូលមកដល់ភាគខាងកើតនៃប្រទេសកម្ពុជា នាថ្ងៃទី១១ ខែវិច្ឆិកា ឆ្នាំ២០២០ ខាងមុននេះ។ លក្ខណៈបែបនេះ នឹងធ្វើឲ្យអាកាសធាតុ នៅប្រទេសកម្ពុជាអាចនឹងមានភ្លៀងធ្លាក់ពីកម្រិតតិចទៅច្រើន ហើយរលកសមុទ្រមានកម្ពស់មធ្យម។

អាស្រ័យហេតុនេះ សូមសាធារណជនជ្រាបជាព័ត៌មាន ជាពិសេសបងប្អូនប្រជានេសាទ និងអ្នកធ្វើដំណើរតាមសមុទ្រទាំងអស់ មេត្ដាបង្កើនការប្រុងប្រយ័ត្នឲ្យបានខ្ពស់ ដើម្បីចៀសវាងគ្រោះថ្នាក់ណាមួយ ដែលអាចកើតឡើងជាយថហេតុ៕

សូមអានសេចក្ដីជូនដំណឹងលម្អិតរបស់ក្រសួងធនធានទឹក និងឧតុនិយមខាងក្រោមនេះ៖