ឡានល្បឿនលឿនប្រភេទថ្មីរបស់សហរដ្ឋអាមេរិក កំពុងទទួលការចាប់អារម្មណ៍ខ្លាំងពីសំណាក់អ្នកនិយមប្រើឡានទំនើបៗ - Khmerload

ឡានល្បឿនលឿនប្រភេទថ្មីរបស់សហរដ្ឋអាមេរិក កំពុងទទួលការចាប់អារម្មណ៍ខ្លាំងពីសំណាក់អ្នកនិយមប្រើឡានទំនើបៗ

https://s9.kh1.co/b6/b6255f4b974591f62bc2c06725d46250091984e0.jpg
យានជំនិះ
 23-Oct-2020 3pm · a year ago

ឡានប្រណាំងប្រភេទថ្មីរបស់ក្រុមហ៊ុនផលិតរថយន្ដ SSC ដែលមានល្បឿនលឿនជាងគេ ឯតម្លៃវិញថ្លៃមិនធម្មតា។

នៅពេលដែលអ្នកឮគេនិយាយអំពីប្រភេទឡានដែលមានល្បឿនលឿន ឬប្រភេទឡានប្រណាំងផ្សេងៗអ្នកអាចនឹកឃើញដល់ប្រភេទឡានល្បីៗជាច្រើនដូចជា Lamborghini និង Bugatti ជាដើម។ ក៏ប៉ុន្ដែ សម្រាប់អ្នកដែលចូលចិត្តប្រភេទឡានប្រណាំង ឬចូលចិត្តអាននិងមើលព័ត៌មានទាក់ទងនឹងប្រភេទឡាននឹងស្គាល់ប្រភេទឡានដែលត្រូវបានបង្កើតឡើងដោយក្រុមហ៊ុន SSC។ 

ថ្មីៗនេះ ក្រុមហ៊ុននេះបានបញ្ចេញនូវប្រភេទឡានថ្មីមួយដែលមានឈ្មោះថា SSC Tuatara ដែលជាម៉ូឌែលថ្មីសន្លាង និងត្រូវបានសាកល្បងធ្វើការបើកបរដំបូងនៅថ្ងៃទី ១០ តុលា។ ឡានថ្មីនេះ អាចចាត់ទុកថាជាឡានដែលមានល្បឿនលឿនជាងគេ ព្រោះវាអាចបើកបរបានក្នុងល្បឿនជាមធ្យម ៣១៦.១ ម៉ាយក្នុងរយៈពេល១ម៉ោង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s9.kh1.co/__image/w=300,h=157,q=100/1c/1ccedf2451213a58fa629e9af9491b411ff376e6.jpg
ឡាន Tuatara ប្រភេទថ្មីរបស់ក្រុមហ៊ុន SSC

ចំពោះឡានទំនើបមួយនេះ មានទម្ងន់ប្រមាណ ២៧៥០ផោន (១២៣៧.៥Kg) និងកម្ពស់ ៤២អ៊ីញ(១.០៦៦៨ម៉ែត្រ) ជាមួយការរចនាទ្វារបើកឡើងលើ ប្រៀបដូចជាបក្សីកំពុងត្រដាងស្លាប។ ចំណែក ការរចនាខាងក្នុងវិញមានលក្ខណៈប្លែកភ្នែក ជាមួយនឹងពូកនិងខ្សែក្រវ៉ាត់ ដែលធ្វើអំពីស្បែកឡើងប្រណិត ប្រកបដោយការច្នៃប្រឌិតខ្ពស់។ សម្រាប់ឡានថ្មីនេះ មានតម្លៃ ១.៩ លានដុល្លារអាមេរិក​ (តម្លៃនៅសហរដ្ឋអាមេរិក)។

គួរបញ្ជាក់ផងដែរថា ក្រុមហ៊ុនផលិតរថយន្ដនៅអាមេរិកខាងជើងនេះ ជាក្រុមហ៊ុនតូចមួយដែលមានអ្នកជំនាញខ្ពស់ៗក្នុងការផលិតរថយន្ដប្រមាណតែ ២៤នាក់ប៉ុណ្ណោះ បើយោងតាមការចុះផ្សាយរបស់សារព័ត៌មាន Bloomberg។ ក្នុងនោះផងដែរ ក្រុមហ៊ុន SSC បានបកស្រាយថា ប្រភេទឡាន Tuatara នេះមានចំនួនកំណត់សម្រាប់ការផលិត ដែលក្រុមហ៊ុននឹងធ្វើការផលិតតែចំនួន ១០០ គ្រឿងប៉ុណ្ណោះ៕

ប្រភព៖ CNBC

Sok Chanraksmey
Chan Raksmey (C)

អត្ថបទទាក់ទង