បាត់មុខពីសិល្បៈច្រើនឆ្នាំ គង់ សង្វារដានី ម្ចាស់បទ«មិនបានត្រៀមចិត្ត» នៅតែសង្ហា មិនចាស់សោះ

ភ្នំពេញ៖ កាលពីថ្ងៃទី ២១ ខែតុលាម្សិលមិញនេះ ពិធីការិនីដ៏មានប្រជាប្រិយភាព អ្នកនាង គង់ សុជាតិ ទើបតែបានរៀបចំពិធីភ្ជាប់ពាក្យជូនកូនប្រុសច្បងរបស់អ្នកនាង យ៉ាងអធិកអធម និងមានអ្នកចូលរួមច្រើនកុះករផងដែរ។

លើសពីនេះទៅទៀត ក្នុងថ្ងៃដ៏ពិសេសនេះ ប្អូនប្រុសបង្កើតរបស់អ្នកនាង លោក គង់ សង្វារដានី ក៏បានបង្ហាញខ្លួននៅក្នុងកម្មវិធីផងដែរ។ អ្វីដែលត្រូវបានមហាជនដែលជាអ្នកគាំទ្រ កាន់តែមានការចាប់អារម្មណ៍នោះ គឺរូបថតថ្មីស្រឡាងរបស់តារារូបនេះដែលអ្នកថតរូបប្រមាញ់បាន បង្ហាញថា លោកនៅតែមានទម្រង់មុខមាត់ រាងរៅសង្ហាខ្លាំងដដែល ខណៈវ័យកាន់តែច្រើន និងមានគ្រួសារ មានកូនពីរទៅហើយ តែសម្រស់វិញគឺថាមិនចាស់តាមអាយុសូម្បីបន្តិច។

ជាពិសេស សម្រាប់រូបភាពមួយនោះ គង់ សង្វារដានី ត្រូវបានអ្នកនិយមលេងបណ្ដាញសង្គម ក៏ដូចជាហ្វេនៗជាច្រើន គ្រប់គ្នាបានពោលពាក្យសរសើរមិនដាច់ពីមាត់ ថាសង្ហាមិនចាញ់កាលនៅកម្លោះឡើយ៕

គួររំឮកផងដែរថា ទោះបីជាសព្វថ្ងៃ លោក គង់ សង្វារដានី ហាក់ឃ្លាតឆ្ងាយពីរង្វង់សិល្បៈក៏ពិតមែន ប៉ុន្តែរូបលោក ក៏ធ្លាប់ជាតារាចម្រៀងមួយរូបដែលមានឈ្មោះបោះសម្លេងខ្លាំង កាលពីជាង ១០ឆ្នាំ មុនផងដែរ ពិសេសតាមរយៈបទ

 «មិនបានត្រៀមចិត្ត» ផ្ទាល់តែម្ដង។

ទស្សនារូបភាពខាងក្រោម៖