ហេតុតែជាសេដ្ឋីនី! គ្រាន់ឈុត Kylie Jenner ទៅបាយថ្ងៃត្រង់​តម្លៃជិតពាក់កណ្ដាលមួយម៉ឺនដុល្លារ

អាមេរិក៖ ថ្មីៗនេះ សេដ្ឋីនី Kylie Jenner បានប​ង្ហាញវត្តមាននៅតាមផ្លូវសាធារណៈនៅក្នុងទីក្រុង Beverly Hills ជាមួយនឹងសម្លៀកបំពាក់ឈុតពណ៍ទឹកក្រូច ដែលមើលទៅសាមញ្ញធម្មតាៗទេ ប៉ុន្តែតម្លៃវិញគឺ ជិតពាក់កណ្តាល១មុឹនដុល្លារទៅហើយ។

ដោយឡែក តារាដែលសល់ទ្រព្យសម្បត្តិមហាសាលមួយរូបនេះ បានមកស្រស់ស្រូបអាហារថ្ងៃត្រង់តែម្នាក់ឯង នៅក្នុងភោជនីយដ្ឋានមួយ ដោយបង្ហាញខ្លួនជាមួយនឹងសម្លៀកបំពាក់ពណ៍ទឹកក្រូច ដ៏ប្រណីត ដែលមានតម្លៃថ្លៃមិនធម្មតា គឺ ៣,៥៥០ ផោនឬ មានតម្លៃ ៤,៦៣៥ ដុល្លារសហរដ្ឋអាមេរិកឯណោះ ដែលមានដាក់តាំងលក់នៅក្នុងគេហទំព័រលក់សម្លៀកបំពាក់ដ៏ល្បីមួយ។

ក្រោយពីបានឃើញដូច្នេះ រួចមកហ្វេនៗក៏លាន់មាត់ដោយភ្ញាក់ផ្អើលជាមួយនឹងតម្លៃឈុតសម្លៀកបំពាក់របស់ Kylie Jenner មួយនេះដោយ មើលពីក្រៅទៅធម្មតាៗប៉ុន្តែ ឃើញតម្លៃពិតវិញគឺចង់គាំងតែម្តង៕

សូមចូលមើលរូបភាពខាងក្រោម៖