លើកទីមួយ ឃើញ ម៉ូលីកា គ្រងឈុតបុរាណ មើលទៅសាកសមណាស់

ភ្នំពេញ៖ ជាការពិតណាស់ អតីតតារាចម្រៀងស្រី ម៉ូលីកា ទោះបីជាពេលបច្ចុប្បន្ននេះ នាងបានឃ្លាតឆ្ងាយ មិនប្រឡូកក្នុងវិស័យសិល្បៈទៀតក៏ដោយ ប៉ុន្តែនាងនៅតែទទួលបានការគាំទ្រពីមហាជនច្រើនដដែល ទៅលើមុខរបរដ៏ជោគជ័យរបស់នាងផ្ទាល់តែម្ដង។

ដោយឡែក បើងាកមកចាប់អារម្មណ៍លើសម្រស់ របស់អ្នកម៉ាក់កូនមួយរូបនេះវិញ យើងឃើញថា មួយរយៈចុងក្រោយនេះ តាំងពីសម្រាលកូនរួចជាច្រើនខែកន្លងមក ម៉ូលីកា កាន់តែមានភាពទាក់ទាញជាមួយការលេងស្ទាយ៍តុបតែងខ្លួនស្អាតខ្ញង់ៗ មិនចាញ់កាលនៅក្រមុំ ទោះស្លៀកសម្លៀកបំពាក់បែបអ្វីក៏ដោយ។

ជាក់ស្ដែងថ្មីៗនេះ ម៉ូលីកា ក៏ទើបតែបានធ្វើឲ្យមហាជនដែលជាអ្នកគាំទ្រ មានការលាន់មាត់ពោលពាក្យសរសើរជាច្រើនហូរហែរ នៅពេលនាងបានបង្ហោះរូបភាពជាច្រើនសន្លឹក បង្ហាញពីសម្រស់ក្នុងការរៀបចំតុបតែងគ្រងនូវឈុតបែប នារីអប្សរាបុរាណខ្មែរ ដែលក្នុងនោះ ទាំងប្រដាប់ប្រដាគ្រឿងលម្អនានា និងការរៀបចំ ពិតជាមានការសម្រិតសម្រាំងបានយ៉ាងល្អ ហើយអ្វីពិសេសនៅពេលដែល ម៉ូលីកា បានគ្រងនូវឈុតមួយនេះហើយ មើលទៅពិតជាមានភាពទាក់ទាញ ស្រស់ស្អាត​សាកសមខ្លាំងមែនទែន។

ជាមួយគ្នានេះ តាមរយៈរូបភាពជាច្រើនសន្លឹក ដែល ម៉ូលីកា បានបង្ហោះនៅលើបណ្ដាញសង្គម យើងឃើញថា មហាជន ក៏ដូចជាហ្វេនៗរបស់នាង មានការពេញចិត្ត និងបានចូលមកបញ្ចេញមតិកោតសរសើរនាងជាហូរហែរ៕

ទស្សនារូបភាពខាងក្រោម៖