នេះជាសម្រស់ ឈិន ម៉ានិច្ច ពេលមិនទាន់ចូលសិល្បៈ ប្រែប្រួលខ្លាំងដល់ម្លឹង!

ភ្នំពេញ៖ តារាចម្រៀងប្រចាំផលិតកម្មរស្មីហង្សមាស កញ្ញា ឈិន ម៉ានិច្ច ត្រូវបានមហាជនទទួលស្គាល់ ថាជាតារាពន្លកថ្មីមួយរូប ដែលមានសមត្ថភាពបញ្ចេញសម្លេងច្រៀងផ្អែម ស្រាលស្រទន់ និងពីរោះលន្លង់លន្លោចគួរឲ្យសរសើរ ដែលភាពប៉ិនប្រសប់នេះហើយ ទើបធ្វើឲ្យតារារូបនេះ អាចមានប្រជាប្រិយភាពដល់សព្វថ្ងៃ។

ម្យ៉ាងវិញទៀត ចាប់តាំងពីបានក្លាយជាម្ចាស់ពានកម្មវិធីប្រឡងចម្រៀង Camboodian Idol រដូវកាលទីពីរ កាលពីឆ្នាំ ២០១៦ កន្លងទៅមក  តារាចម្រៀងមកពីខេត្តកំពង់ស្ពឺរូបនេះ ហាក់មានភាពជោគជ័យ និងកាក់កបក្នុងវិស័យសិល្បៈច្រើនគួរឲ្យកត់សម្គាល់ផងដែរ។

ដោយឡែក បើក្រឡេកមកមើលរូបសម្រស់ និងស្ទាយ៍លេងខ្លួនរបស់ ឈិន ម៉ានិច្ច វិញ បច្ចុប្បន្ន សម្រស់របស់នាងពិតជាស្រស់ស្អាត ទាន់សម័យនិងលេចធ្លោខ្លាំងណាស់ ពិសេសនៅពេលដែលនាងចេញច្រៀងតាមកម្មវិធីអ្វីមួយម្ដងៗ អ្នកគាំទ្ជាច្រើនរតែងពោលពាក្យសរសើរជាហូរហែរ។

ប៉ុន្តែយ៉ាងណាមិញ បើងាកមកចាប់អារម្មណ៍ជាមួយរូបភាពចាស់ៗរបស់នាង កាលពីមិនទាន់ចូលសិល្បៈវិញ យើងឃើញថា តារារូបនេះ ពិតជាមានការផ្លាស់ប្ដូរ ក៏ដូចជាវិវត្តន៍ខ្លួនឯង ប្រែប្លែកខ្លាំងមែនទែន ដោយសារថាកាលពីមិនទាន់ចូលសិល្បៈ នាងមានការតុបតែងខ្លួន បែបសាមញ្ញៗមើលទៅមិនមានភាពទាក់ទាញអ្វីខ្លាំងនោះឡើយ តែពេលនេះវិញ ឈិន ម៉ានិច្ច ចេះលេងខ្លួនស្រស់ស្អាតពីមួយថ្ងៃទៅមួយថ្ងៃ សាកសមឈ្មោះជាតារាចម្រៀងល្បីពិតមែន៕

ចង់ជ្រាបច្បាស់ ទស្សនារូបភាពខាងក្រោម៖