អបអរផង អែនជីបានសម្រាលកូន យ៉ាងសុវត្ថិភាព

ភ្នំពេញ៖ ទោះជាមិនបានប្រឡូកក្នុងវិស័យសិល្បៈដូចមុន បន្ទាប់ពីរៀបការមានស្វាមីរួចមក តែតារាចម្រៀងស្រី អែនជី ក៏នៅតែទទួលបានការគាំទ្រពីហ្វេនៗជាច្រើនក៏ដូចជារង់ចាំតាមដានពីជីវិតប្រចាំថ្ងៃរបស់តារាស្រីរូបនេះ។ 

មិនត្រឹមតែប៉ុណ្ណោះ ជីវិតប្ដីប្រពន្ធក៏កាន់តែមានក្ដីសុខឡើងទ្វេដង ខណៈពេលដែលនាងកំពុងតែមានផ្ទៃពោះ ដែលកូនដំបូងនៅក្នុងគ្រួសារ និងទទួលបានការយកចិត្តទុកដាក់​ ក៏ដូចជាការមើលថែមយ៉ាងដិតដល់ពីស្វាមីថែមទៀតផង។ 

ម៉្យាងវិញទៀត កាលពីមុននេះបន្តិច អ្នកនាង អែនជី ក៏បានបង្ហាញពីដំណឹងដ៏រីករាយបំផុត ក្នុងពេលដែលនាងបានសម្រាលកូនយ៉ាងជោគជ័យ ថែមទាំងមានសុខភាពល្អទាំងម្ដាយទាំងកូន ដោយនាងបានចេញមកបង្ហោះសារប្រាប់ពីទម្ងន់កូនរបស់នាងនៅលើបណ្ដាញសង្គម ដែលមានទម្ងន់រហូតដល់ ៣,៥២ គីឡូក្រាម ផងដែរ។ 

បន្ទាប់ពីបានឃើញបែបនេះហើយ ក៏មានអ្នកគាំទ្រចំពោះរូបនាងជាច្រើន ចូលរួមត្រេកអរ ក្នុងពេលដែលនាង និងស្វាមី បានទទួលសមាជិកថ្មី ដែលជាកូនសំណព្វចិត្ត ព្រមទាំងមានតម្លៃខ្លាំងបំផុតនៅក្នុងជីវិតគ្រួសារអ្នកទាំងពីរ ផងដែរ៕ 

សូមទស្សនារូបភាពខាងក្រោម៖