អង់គ្លេស៖ ក្លិបមាន់ខ្នាយមាស Tottenham Hotspur កំពុងខិតជិតក្នុងការផ្ទេរយកខ្សែប្រយុទ្ធកំពុងឡើងកូដរបស់ក្លិប Benfica កីឡាករ Carlos Vinicius ក្នុងកិច្ចសន្យាខ្ចីជើង អមជាមួយជម្រើសអាចផ្ទេរយកជាអចិន្ត្រៃយ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកចាត់ការក្រុម Spurs លោក Jose Mourinho កំពុងស្វែរកខ្សែប្រយុទ្ធថ្មីមួយរូបទៀត ដើម្បីមកសម្រួលបន្ទុកកីឡាករ Harry Kane។ ជាមួយគ្នានេះ បើយោងតាមរបាយការណ៍របស់កាសែត Daily Mail គ្រូបង្វឹកសញ្ជាតិព័រទុយកាល់ បានសម្លឹងឃើញ កីឡាករ Vinicius របស់ Benfica ។
ក្លិប Benfica ទើបលក់តារាឆ្នើមរបស់ខ្លួនម្នាក់ទៅឲ្យក្លិបមេឃខៀវ Manchester City ក្នុងតម្លៃ៦៥លានផោន ពោលគឺកីឡាករ Ruben Dias ហើយបើតាមប្រភពដដែល ក្លិបយក្សព័រទុយកាល់ ក៏កំពុងពិរចាណាប្រមូលលុយធំពីការលក់ខ្សែប្រយុទ្ធជួរមុខរបស់ខ្លួនកីឡាករ Vinicius ផងដែរ។
ដោយឡែកបើតាមកាសែត Sky Sports បានឲ្យដឹងថា ក្លិបដែលដឹកនាំដោយលោក Mourinho កំពុងធ្វើការចរចាផ្ទេរយក ខ្សែប្រយុទ្ធសញ្ជាតិប្រេស៊ីលរូបនេះមកលេងនៅក្របខណ្ឌ Premier League ក្នុងកិច្ចសន្យាខ្ចីជើង អមជាមួយជម្រើសទិញផ្ដាច់តែម្ដង។
គួរឲ្យដឹងដែរថា Vinicius ជាខ្សែប្រយុទ្ធដ៏លេចធ្លោមួយរូបនៅលីគកំពូលព័រទុយកាល់ ជាក់ស្ដែងកាលពីរដូវកាលមុន គេស៊ុតបាន២៤គ្រាប់ឲ្យ Benfica ខណៈរូបគេមានតម្លៃទិញផ្ដាច់កុងត្រារហូតដល់៨៩លានផោន (ឬប្រមាណ ១១៥លានដុល្លារ) ឯណោះ។
យ៉ាងណាមិញ ក្រៅពី Spurs ក្លិបសេះបង្កង់ Juventus, Inter Milan, Chelsea, Manchester United និង Wolves ក៏ចង់បានជើងស៊ុតវ័យ២៥ឆ្នាំរូបនេះទៅពង្រឹងតំបន់ប្រយុទ្ធផងដែរ៕
ប្រភព៖ talksport