ថៃ៖ អាចនិយាយបានថា តារាសម្ដែងស្រី Taew Natapohn នោតែជាតារាស្រីមួយរូប ដែលមានប្រជាប្រិយភាពខ្លាំងទៅលើការងារសិល្បៈរបស់នាងសព្វថ្ងៃ ហើយលើសពីនោះ អ្នកគាំទ្រក៏កាន់តែស្រលាញ់ចូលចិត្ត និងកាន់តែតាមដានអំពីជីវិតស្នេហារបស់នាង ពិសេសទៀតនោះ គឺការលេងស្ទាយ៍តុបតែងខ្លួនរបស់នាងផ្ទាល់តែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ ជារឿយៗ តារាស្រីរូបនេះ តែងត្រូវបានគេចាប់អារម្មណ៍ឃើញថា មានការតុបតែងខ្លួន ស្រស់ស្អាត គ្រប់ស្ទាយ៍ និងអាចបត់បែនបានច្រើនបែបច្រើនយ៉ាង មិនថាក្នុងកាលៈទេសៈបែបណាក៏ដោយ ក៏ Taew នៅតែស្អាតលេចធ្លោមិនចាញ់តារាដទៃឡើយ។
ហើយសម្រាប់ ពេលថ្មីៗនេះក៏មិនឲ្យចាញ់រាល់ដងដែរ ដោយ Taew ទើបតែបានបង្ហោះរូបភាពរបស់ខ្លួន នៅលើគណនី Instagram ដែលបានបង្ហាញពីការលេងខ្លួន និងស្ទាយ៍ថតរូបជាច្រើនសន្លឹក បែបពណ៌សខ្មៅ ជាមួយនឹងកាយវិការស៊ីអារម្មណ៍ខ្លះៗ មើលទៅពិតជាមានភាពទាក់ទាញចិត្តខ្លាំងណាស់។ ហើយស្របគ្នានោះ គ្រប់រូបភាពទាំងអស់របស់នាង ពិតជាប្លែកភ្នែកថ្មីមួយបែបសម្រាប់អ្នកគាំទ្រ ពិសេស Taew ក៏ទទួលបានការសរសើរច្រើនផងដែរ៕
ទស្សនារូបភាពខាងក្រោម៖