បរទេស៖ ខ្សែប្រយុទ្ធ Gareth Bale បានវិលត្រឡប់មកលេងឲ្យក្លិបចាស់របស់ខ្លួនវិញហើយនៅរដូវកាលថ្មីនេះ ក្រោយចាកចេញទៅចូលរួមជាមួយក្លិប Real Madrid កាលពីឆ្នាំ២០១៣។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំណាយពេល៧រដូវកាលនៅទឹកដី Santiago Bernabeu ជម្រើសជាតិវែលស៍រូបនេះ បានដើរតួយ៉ាងសំខាន់ក្នុងការជួយឲ្យ Real Madrid ឈ្នះពានធំៗជាច្រើនដូចជាពាន UEFA Champions League ចំនួន៤លើក និងពាន La Liga ចំនួន២លើក។
យ៉ាងណាមិញដោយសារតែមិនសូវមានឈ្មោះចូលលេងឲ្យ Real Madrid ក្រោមការដឹកនាំរបស់លោក Zinedine Zidane ប៉ុន្មានខែចុងក្រោយនេះ ទើបធ្វើឲ្យ Bale មានគំនិតចង់ចាកចេញ។ ដោយឡែកថ្មីៗនេះបន្ទាប់ពីផ្លាស់មកលេងឲ្យក្លិប Tottenham Hotspur វិញក្នុងកិច្ចសន្យាខ្ចីជើងមួយរដូវកាល តំណាងរបស់កីឡាកររូបនេះបានចេញមកស្តីបន្ទោសទៅក្លិប Real Madrid ចំៗជុំវិញការមិនយកចិត្តទុកដាក់ចំពោះ Bale មួយរយៈពេលចុងក្រោយនេះ។
សម្រាប់កីឡាករដែលជួយក្លិបបានច្រើនដូច Gareth Bale គួរតែទទួលបានការយកចិត្តទុកដាក់ខ្ពស់ពីសំណាក់ថ្នាក់ដឹកនាំក្លិប Real Madrid ប៉ុន្តែជាក់ស្តែងគឺខុសពីការគិតទាំងស្រុង។ និយាយឲ្យអាក្រក់ស្តាប់ទៅ Real Madrid គួរតែថើបដានជើងរបស់ Bale នៅពេលដែលគេចាកចេញ ទើបសមនឹងអ្វីដែលកីឡាកររូបនេះខំជួយក្លិបកន្លងមក។ រយៈពេល៧ឆ្នាំនេះគ្រប់គ្នាតែងតែលេចឮព័ត៌មានថា Bale មិនព្រមរៀននិយាយភាសាអេស៉្បាញ ប៉ុន្តែការពិតរូបគេតែងតែព្យាយាមទំនាក់ទំនងជាភាសាអេស៉្បាញជានិច្ច។ ខ្ញុំជាតំណាងរបស់កីឡាកររូបនេះតាំងពីគេនៅក្មេងមកម្ល៉េះហើយការដែលនិយាយថា Bale មិនខ្វាយខ្វល់ពីបាល់ទាត់នោះជារឿងមួយដែលឆ្ងាយពីការពិតណាស់៕
ប្រភព៖ goal
Bong I.T