ធាត់ពេកគេតិះដៀល Adele ប្រឹងសម្រកទម្ងន់ ថែសម្រស់ក្រោយលែងប្តី

បរទេស៖ ថ្មីៗនេះ តារាចម្រៀង Adele បានសម្តែងភាពរីករាយ និងមោទនភាពចំពោះរូបរាងខ្លួននៅពេលបច្ចុប្បន្ន ដែលបានសម្រកគីឡូស្រឹតៗពីមនុស្សដែលមានរូបរាងធាត់ខ្លាំង មកជាស្រីស្អាតដែលមានរូបរាងស្វែលដោយប្រើប្រាស់ពេលមួយរយៈតែប៉ុណ្ណោះ។

ដោយឡែក ក្រោយពីបានហាត់ប្រាណនិង តមអាហារត្រូវតាមក្បួនខ្នាតរួចមក តារាចម្រៀងរូបនេះ បានក្លាយជាមនុស្សដែលមានទំនុកចិត្តលើខ្លួនឯង និងហ៊ានស្លៀកពាក់ឈុតប៊ីគីនី ដោយទឹកមុខញញឺមពព្រាយ មិនខ្លាចខ្មាសគេដូចមុនទៀតនោះឡើយ ដោយការសម្រកទម្ងន់ក្លាយជាអ្វីដែល ម្ចាស់បទ «Hello» រូបនេះត្រូវប្រជែងជាមួយ ជាពិសេសក្រោយពេលលែងលះជាមួយស្វាមី Simon Konecki កាលពីឆ្នាំ២០១៩កន្លងទៅ។

ក្រោយពីបានឃើញដូច្នេះរួចមក ហ្វេនជាច្រើនបានសរសើរដល់តារាចម្រៀងរូបនេះ ដែលបានសម្រេចក្តីប្រាថ្នាសម្រកគីឡូបានយ៉ាងច្រើន រហូតក្លាយទៅជាស្រីស្អាតផងដែរ មិនតែប៉ុណ្ណោះ Adeleមានស្មារតីតស៊ូជំនះ ទោះបីជារស់នៅម្នាក់ឯងដោយគ្មានប្តីដូចមុនក៏ដោយ ក៏នៅតែធ្វើចិត្តបានដូចគ្មានរឿងអ្វីកើតឡើងផងដែរ។

គួររម្លឹកថា Adele ត្រូវខាតអស់ប្រាក់ប្រមាណជា១៧០លានដុល្លារ ក្រោយពីលែងលះជាមួយស្វាមីកាលពីឆ្នាំ២០១៩៕

សូមចូលមើលរូបភាពខាងក្រោម៖