ទាំងព្រឹក! ឡានធំដាច់ហ្វាំ្រងរអិល បុករថយន្ត៦គ្រឿង លើស្ពានព្រែកសំរោង ក្នុងក្រុងតាខ្មៅ

កណ្តាល៖ កាលពីព្រឹកថ្ងៃទី៨ ខែកញ្ញា ឆ្នាំ២០២០ វេលាម៉ោង៧ព្រឹក មានករណីគ្រោះថ្នាក់ចរាចរណ៍មួយដែលស្ថិតនៅលើស្ពានព្រែកសំរោង ក្នុងក្រុងតាខ្មៅ ខេត្តកណ្តាល ដែលឡានធំមួយគ្រឿងបានដាច់ហ្វ្រាំង ធ្វើឲ្យរអិលថយក្រោយបណ្តាលឲ្យបុកឡានជាច្រើនគ្រឿង។

ហេតុការណ៍នេះបង្ករឲ្យមានការភ្ញាក់ផ្ញើលទាំងព្រឹក តែនៅកន្លែងកើតហេតុ មិនមានអ្នកណារងរបួសធ្ងន់ធ្ងរនោះទេ ខណៈពេលដែលឡានជាច្រើនគ្រឿងដែលបុកបន្តគ្នានោះ បានខូចខាតយ៉ាងច្រើនផងដែរ។ យ៉ាងណាមិញ ចំពោះអ្នកបើកបរឡានធំនោះក៏បានរត់គេចខ្លួនបាត់ ដោយពេលនេះកម្លាំងសមត្ថកិច្ចកំពុងតែតាមរកមុខ ដើម្បីចូលខ្លួនមកដោះស្រាយផងដែរ៕

សូមទស្សនារូបភាពខាងក្រោម៖