ក្រុមចម្រៀងទាំង៥នៅ YG ដែលត្រូវបានយកមកនិយាយច្រើនបំផុតនៅលើបណ្តាញសង្គម Twitter ក្នុងឆ្នាំ២០២០នេះ

កូរ៉េខាងត្បូង៖ ថ្ងៃនេះយើងនឹងលើកយកក្រុមចម្រៀងដែលមកពីក្រុមយក្ស YG Entertainment ដែលទទួលបានការស្រឡាញ់ និងការចាប់អារម្មណ៍ពីអ្នកគាំទ្របំផុតនៅលើបណ្តាញសង្គម Twitter​៖

៥. ក្រុម Winner ត្រូវបានគេលើកយកមកនិយាយ 1,101,879 ដង

ក្រុម Winner បានបញ្ចេញនៅបទថ្មីរបស់ខ្លួន “Hold” កាលពីថ្ងៃទី ២៦ ខែ មីនា ឆ្នាំ២០២០ ហើយក៏ទទួលបានលេខមួយនៅលើតារាងតន្ត្រីជាច្រើននៅក្នុងប្រទេសកូរ៉េ។ សមាជិកបងគេ Jinwoo បានចូលបម្រើកងទ័ពភ្លាម ហើយបន្ទាប់មកទៀតក៏ជា Seunghoon ដែលធ្វើឱ្យសកម្មភាពក្រុមត្រូវបានផ្អាកជាបណ្តោះអាសន្ន។

៤. ក្រុម BIGBANG  ត្រូវបានគេលើកយកមកនិយាយ 1,114,854 ដង

នៅដើមឆ្នាំនេះ BIGBANG បានប្រកាសថាបានចូលរួមជាមួយនឹង Coachella 2020 តែដោយសារបញ្ហា COVID-19 សកម្មភាពនោះក៏ត្រូវបានផ្អាកសិន។

សមាជិកទាំងអស់បានបន្តកុងត្រារបស់ខ្លួនជាមួយនឹង YG Entertainment កាលពីខែ មីនា ប៉ុន្តែគម្រោងនៃការវិលត្រឡប់របស់ពួកគេក៏ត្រូវបានផ្អាកផងដែរ។

៣. iKON  ត្រូវបានគេលើកយកមកនិយាយ 2,410,434 ដង

នៅដើមឆ្នាំនេះ iKon បានបញ្ចេញនូវការថត I Decide ភាគទី ៣ របស់ខ្លួនជាមួយបទចម្រៀងថ្មីដែលមានចំណងជើងថា “Dive.”។

២. TREASURE ត្រូវបានគេលើកយកមកនិយាយ 10,549,902 ដង

TREASURE បានធ្វើឱ្យអ្នកគាំទ្រមានការសប្បាយចិត្តជាខ្លាំងជាមួយនឹងគម្រោងបង្ហាញខ្លួនជាលើកដំបូងនៅរដូវក្តៅ ឆ្នាំ ២០២០ នេះ ជាមួយនឹងរូបថត ក៏ដូចជាវីដេអូសម្តែងការរាំផងដែរ។ ការបង្ហាញខ្លួនជាមួយនឹងអាល់ប៊ុមរបស់ពួកគេ The First Step: Chapter One នៅថ្ងៃទី ៧ ខែ សីហា ពួកគេបានបញ្ចេញនូវវីដេអូចម្រៀងដែលមានចំណងជើងថា “Boy.” ហើយកាលពីថ្ងៃទី ៣១ ខែ សីហា ពួកគេក៏បានបញ្ចេញនូវផូស្ទ័រសម្រាប់បទថ្មីដែលនឹងមកដល់នៅពេលឆាប់ៗ នេះផងដែរ។

១. BLACKPINK  ត្រូវបានគេលើកយកមកនិយាយ 28,970,348 ដង

YG Entertainmen បានបញ្ជាក់ច្បាស់ហើយថា បន្ទាប់ពីបញ្ចេញអាល់ប៊ុមថ្មីរួច គម្រោងសម្រាប់សកម្មភាពជាបុគ្គលរបស់ Rosé, Lisa និង Jisoo នឹងបញ្ចេញផងដែរ។ ក្រុមចម្រៀងនារីមួយនេះបានបញ្ចេញនូវបទចម្រៀងដែលមានចំណងជើងថា “How You Like That” កាលពីថ្ងៃទី ២៦ ខែ មិថុនា ចំណែកបទចម្រៀងចុងក្រោយរបស់ពួកគេ “Ice Cream,” ដែលច្រៀងរួមជាមួយនឹង Selena Gomez ក៏ត្រូវបានបញ្ចេញផងដែរកាលពីថ្ងៃទី ២៨ ខែ សីហា៕