វ៉ាស៊ីនតោន៖ លោកប្រធានាធិបតី ដូណាល់ ត្រាំ បានសម្តែងក្តីសង្ឃឹមទៅលើវ៉ាក់សាំងកូវីដ១៩របស់ប្រទេសរុស្ស៊ី ដែលត្រូវបានចុះបញ្ជីដំបូងគេលើលោក ថាវានឹងមានប្រសិទ្ធភាព ប៉ុន្តែលោកក៏បានលើកឡើងថា នៅក្នុងពេលឆាប់ៗនេះ សហរដ្ឋអាមេរិកក៏នឹងបញ្ចេញវ៉ាក់សាំងកូវីដ១៩របស់ខ្លួនមួយដែរ បន្ទាប់ពីឆ្លងការធ្វើតេស្តសាកល្បង អស់រយៈពេលជាយូរមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំណើរការផលិតវ៉ាក់សាំងរបស់ប្រទេសរុស្ស៊ីបានចាប់ផ្តើមហើយ ដោយក្នុងនោះវ៉ាក់សាំងចំនួន ៥០០លានដូស អាចនឹងត្រូវផលិតរួចរាល់ក្នុងរយៈពេល ១២ខែ ហើយវ៉ាក់សាំងកូវីដ១៩របស់រុស្ស៊ី ដែលមានឈ្មោះថា Sputnik V នេះ ត្រូវបានគេសន្មត់ថា នឹងអាចផ្តល់ការការពារពីជំងឺកូវីដ១៩ បានរហូតដល់ទៅ ២ឆ្នាំ។
នៅក្នុងសន្និសីទកាសែតកាលពីថ្ងៃសុក្រ លោក ដូណាល់ ត្រាំ បានគូសបញ្ជាក់យ៉ាងដូច្នេះថា៖
យើងមិនដឹងច្រើនទេ អំពីវ៉ាក់សាំងកូវីដ១៩របស់ប្រទេសរុស្ស៊ី ប៉ុន្តែយើងសង្ឃឹមថា វានឹងមានប្រសិទ្ធអាចប្រឆាំងនឹងជំងឺបាន។ ចំណែកវ៉ាក់សាំងរបស់សហរដ្ឋអាមេរិក ត្រូវចំណាយពេលយូរ ដោយសារវាត្រូវឆ្លងកាត់ការសាកល្បងច្រើនដំណាក់កាល ប៉ុន្តែនៅមុនដំណាច់ឆ្នាំនេះ វាអាចនឹងត្រូវបានអនុម័ត ដាក់ឱ្យប្រើប្រាស់ជាផ្លូវការ។
គួរឱ្យដឹងដែរថា បើទោះបីវ៉ាក់សាំង Sputnik V របស់រុស្ស៊ីទទួលបានអនុម័តជាផ្លូវការមុនគេនៅលើពិភពលោកយ៉ាងក្តី ប៉ុន្តែក៏វានឹងនៅតែបន្តឆ្លងកាត់ការធ្វើតេស្តសាកល្បងលើមនុស្សរាប់ពាន់នាក់ទៀត ទាំងនៅក្នុងប្រទេសរុស្ស៊ី និងនៅបរទេសផងដែរ៕
Bong I.T