អឺរ៉ុប៖ បើតាមគេហទំព័រ Le 10 Sport បានឲ្យដឹងថាក្លិបអ្នកមានរបស់បារាំង Paris Saint-Germain កំពុងតែចូលប្រជែងជាមួយក្លិបហង្សក្រហម Liverpool ក្នុងការចរចាទិញយកខ្សែបម្រើឆ្នើម Thiago Alcantara ពីក្លិប Bayern Munich ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្ចាស់ជើងឯកលីគកំពូលអាល្លឺម៉ង់ Bayern Munich កំពុងតែបើកផ្លូវឲ្យក្លិបធំៗនៅអឺរ៉ុបធ្វើការចរចាទិញយក Thiago ចេញពីក្លិបហើយ ដោយសារកុងត្រាកីឡាកររូបនេះនឹងអស់សុពលភាពនៅចុងរដូវកាលក្រោយ។ បន្ទាប់ពីចំណាយពេលជាមួយក្លិបយក្សរបស់អាល្លឺម៉ង់ចំនួន៧រដូវកាលរួមមក អតីតខ្សែបម្រើរបស់ Barcelona រូបនេះកំពុងតែស្វែងរកទ្រនំផ្សេងទៅចូលរួមនៅរដូវកាលក្រោយ។
ក្នុងនោះក្លិប Liverpool បានបង្ហាញការចាប់អារម្មណ៍ខ្ពស់ក្នុងការនាំយក Thiago មករួមក្រុម ប៉ុន្តែបើតាមរបាយការណ៍បានឲ្យដឹងថាក្លិបដែលដឹកនាំដោយលោក Jurgen Klopp មួយនេះកំពុងតែព្យាយាមលក់កីឡាករម្នាក់ចេញសិន ដើម្បីអាចមានទុនបង្គ្រប់ទិញតារាវ័យ២៩ឆ្នាំមកកាន់ទឹកដី Anfield ។ ស្របពេលជាមួយគ្នានេះក្លិប PSG បានដាក់សំណើក្នុងចំនួនទឹកប្រាក់២៧លានផោន (ឬប្រហែល៣៥លានដុល្លារ) ឲ្យទៅ Bayern Munich ដើម្បីនាំយក Thiago មកលេងនៅ Ligue 1 ។
គួរឲ្យដឹងដែរថា Thaigo បង្ហាញខ្លួនឲ្យ Bayern Munich បានចំនួន៣៦ប្រកួតនៅក្នុងរដូវកាលនេះ និងបានជួយឲ្យក្លិបឈ្នះពាន Bundesliga លើកទី៨ជាប់ៗគ្នា។
ដៅយឡែកនៅយប់នេះ Bayern នឹងត្រូវប៉ះជាមួយតោខៀវ Chelsea ជើងទី២ វគ្គ១៦ក្រុមចុងក្រោយ UEFA Champions League ក្រោយយកឈ្នះក្លិបលោក Frank Lampard ដោយលទ្ធ៣ទល់នឹង០កាលពីជើងទី១៕
ប្រភព៖ sportsmole