ភ្នំពេញ៖ មួយរយៈនេះ យើងឃើញថា សន្ទុះនៃការងារសិល្បៈរបស់តារាចម្រៀងស្រី ប៉ាច គីមមួយ កំពុងតែទទួលបានការគាំទ្រច្រើនពីទស្សនិកជន ពិសេសថ្មីៗនេះ នាងក៏កំពុងត្រូវបានមហាជនជាច្រើន មានការចាប់អារម្មណ៍ខ្លាំង ទៅលើសមត្ថភាពច្រៀងដ៏អស្ចារ្យរបស់នាង នៅក្នុងកម្មវិធីប្រកួតប្រជែងប្រឡងតារាចម្រៀងអាជីព I Am s Singer Cambodia រដូវកាលទីពីរផ្ទាល់តែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ ពីមួយសប្ដាហ៍ទៅមួយសប្ដាហ៍នៅក្នុងកម្មវិធីនោះ យើងឃើញថា តារាស្រីរាងតូចច្រឡឹង សម្លេងផ្អែមរូបនេះ មានការតុបតែងខ្លួនស្អាតប្លែកៗ មិនឲ្យច្រំដែលនោះឡើយ ហើយរាល់ការបង្ហាញខ្លួនម្ដងៗ គ្រប់ប្រភេទនៃសម្លៀកបំពាក់ គឺតារាស្រីរូបនេះ តែងត្រូវបានគេសរសើរថាស្រស់ស្អាតគ្រប់ទម្រង់ផងដែរ។
យ៉ាងណាមិញ កាលពីម្សិលមិញនេះ ប៉ាច គីមមួយ ទើបតែបានបង្ហាញខ្លួន បង្អួតសម្រស់របស់ខ្លួនជាថ្មី នៅក្នុងឈុតសម្លៀកនាងអប្សរា ដែលមានការរចនាតុបតែងជាមួយគ្រឿងលម្អយ៉ាងប្រណីត ពេញមួយតួខ្លួន ធ្វើឲ្យមហាជនជាច្រើន ឃើញហើយ នាំគ្នាបង្ហាញមតិកោតសរសើរជាហូរហែរ អំពីរូបសម្រស់ដ៏ស្រស់សោភារបស់តារារូបនេះច្រើនមិនស្ទើរ បើទោះបីជានេះមិនមែនជាលើកទីមួយ ដែលបានឃើញនាងគ្រងនូវឈុតអប្សរានេះក៏ដោយ ប៉ុន្តែទោះយ៉ាងណា នាងនៅតែអាចធ្វើបានយ៉ាងសាកសម គួរឲ្យសរសើរផងដែរ៕
ចង់ជ្រាបច្បាស់ទស្សនារូបភាព វីដេអូខាងក្រោម៖