កូរ៉េខាងត្បូង៖ លិខិតមួយរបស់អភិបាលក្រុងសេអ៊ូលលោក Park Won-soon ត្រូវបានបង្ហាញឱ្យដឹងនៅថ្ងៃសុក្រនេះ មួយថ្ងៃបន្ទាប់ពីគាត់ត្រូវបានគេរកឃើញថាបានស្លាប់នៅក្នុងការធ្វើអត្តឃាតជាក់ស្តែង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស“ខ្ញុំសុំទោសអ្នករាល់គ្នា។ ខ្ញុំសូមថ្លែងអំណរគុណចំពោះមនុស្សទាំងអស់ដែលបានចែករំលែកជីវិតជាមួយខ្ញុំ”។ គាត់បានសរសេរបែបនេះនៅក្នុងលិខិតមួយដែលទុកនៅលើតុរបស់គាត់នៅផ្ទះ ដែលត្រូវបានបង្ហាញកាលពីថ្ងៃសុក្រ។ សេចក្ដីលិខិតបន្តថា៖ “ខ្ញុំមានការសោកស្តាយចំពោះគ្រួសាររបស់ខ្ញុំ ដែលខ្ញុំបានត្រឹមតែធ្វើឱ្យពួកគេឈឺចាប់” ។
នៅក្នុងលិខិតប្រាំប្រយោគនេះដែរ គាត់ក៏បានស្នើសុំឱ្យបូជាសព្វរបស់គាត់ និងឱ្យយកធាតុរបស់គាត់ទៅបាចពង្រាយលើផ្នូរឪពុកម្តាយរបស់គាត់ផងដែរ។
លោក Park បានក្លាយជាអភិបាលក្រុងនៃរដ្ឋធានីរបស់ប្រទេសកូរ៉េខាងត្បូងចាប់តាំងពីឆ្នាំ ២០១១។ គួររំឭកថា ការបាត់ខ្លួនភ្លាមៗ និងការស្លាប់របស់គាត់បានកើតឡើងបន្ទាប់ពីពាក្យបណ្តឹងពីការយាយីផ្លូវភេទត្រូវបានប្តឹងប្រឆាំងនឹងរូបលោកដោយអតីតលេខាធិការរបស់លោកម្នាក់។
ប្រភព៖ The Korea Herald