ប្រិយមិត្តប្រាកដជាបានជ្រាបច្បាស់អំពីតារាចម្រៀងប្រចាំផលិតកម្មរស្មីរហង្សមាស ដែលជាទ្រនំមានតារាប្រុសស្រីជាច្រើនរូប។ យ៉ាងណាមិញ អ្នកទាំងនោះក៏មានតារាប្រុសស្រីជាច្រើនបានទទួលយកចំណងអាពាពិពាហ៍ផងដែរ បុ៉ន្តែក្នុងនោះក៏មានតារាប្រុសរូបសង្ហា៣នាក់ ដែលមិនទាន់ទទួលយកចំណងប្រាំប្រការផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. លោក ណុប បាយ៉ារិទ្ធ
លោក ណុប បាយ៉ារិទ្ធ ជាតារាចម្រៀងមួយរូប ដែលត្រូវបានគេសរសើរច្រើនចំពោះគំនិតច្នៃប្រឌិត ទៅលើសម្លៀកបំពាក់ និងមានស្ទាយល៍ប្លែកៗជានិច្ច បើទោះបីតារាប្រុសរូបនេះ មានវ័យជាង៤០ឆ្នាំក៏ពិតមែន តែការលេងខ្លួនគ្រប់ពេល មិនឲ្យចាញ់ក្មេងៗឡើយ។ ម្យ៉ាងវិញទៀតលោកក៍មិនទាន់បង្ហើបពីម្ចាស់បេះដូងផងដែរ។

២. លោក ហ្សូណូ
នៅក្នុងសង្គមសិល្បៈ មានតារាប្រុសស្រី ជាច្រើនដួងបានជោគជ័យនិង មានឈ្មោះល្បីល្បាញតាមរយៈវិស័យសិល្បៈមួយនេះ។ ហើយទន្ទឹមទៅនឹងភាពជោគជ័យ ក៏ទាមទារឲ្យមានរូបសម្បត្តិល្អស្អាត និងទេពកោសល្យផងដែរ។តារាចម្រៀងដែលមានរូបរាងខ្ពស់ស្រលះ និងសំលេងផ្អែម ហ្សូណូ មកដល់ពេលនេះរូបលោកគឺមានវ័យ២៧ឆ្នាំ ហើយរូបលោកក៏មិនទាន់បង្ហើបពីម្ចាស់បេះដូងនៅឡើយទេ។

៣. លោក ឆន សុវណ្ណារាជ
លោក ឆនសុវណ្ណារាជគឺជាតារាចម្រៀងដែលមានរូបសង្ហាអមជាមួយនឹងទឹកដមម្យ៉ាង។ ហើយលោកគឺជាតារាមួយដួងដែលជោគជ័យក្នុងអាជីពមួយនេះ។ បើគិតមកដល់ពេលនេះលោកមានវ័យ៣៥ឆ្នាំហើយ តែរូបលោកមិនទាន់បង្ហើបពីដំណឹងល្អនៅឡើយទេ៕
