ចិន៖ កាលពីពេលថ្មីៗទៅនេះ នៅលើបណ្តាញសង្គម មានការបង្ហោះចែករំលែក រូបជាច្រើនសន្លឹក របស់តារាសម្តែងស្រីកូនមួយ Zhao Liying នៅពេលដែលនាងបានបង្ហាញខ្លួន ជាសារធារណៈលើកដំបូង នៅក្នុងកម្មវិធីសម្ពោធម៉ាកនាឡិកាមួយ បន្ទាប់ពីសម្រាលកូនប្រុសរួច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលធ្វើឲ្យអ្នកគាំទ្រ ភាគច្រើនកត់សម្គាល់ខ្លាំងនោះគឺ ទៅលើវិធីសាស្ត្រក្នុងការថែរក្សារាង ឲ្យនៅតែស្អាតនិងតូចច្រលឹង របស់តារាស្រីរូបនេះ។ ហើយបើក្រឡេកទៅមើលពី រូបសម្រស់របស់តារាស្រីរូបនេះវិញ ក៏នៅតែស្រស់ស្អាតហាក់មិនមាន ការប្រែប្រួលទាល់តែសោះ។
យ៉ាងណាមិញ បន្ទាប់ពីវត្តមាន Zhao Liying បានបង្ហាញខ្លួន នៅក្នុងកម្មវិធីនោះរួចហើយ ភ្លាមៗនោះពាក្យគន្លឹះ«ចង្កេះរបស់ Zhao Liying» ក៏បានក្លាយទៅជាពាក្យដ៏ពេញនិយម របស់អ្នកលេងបណ្តាញអ៊ីនធឺណែតភាគច្រើន ចូលទៅស្វែងរក ដែលពាក្យនេះក៏បានក្លាយទៅជា ប្រធានបទដ៏ក្តៅនិង មានអ្នកចុចចូលស្វែងរកច្រើនបំផុត នៅលើប្រព័ន្ធអនឡាញផងដែរ៕