ករណីថ្មីនៅតែមាន! ប្រេស៊ីលមានករណីឆ្លងវីរុស​កូវីដ១៩​ ថ្មី​ចំនួន​ ២៨,៦៣៣ ករណី​ គិតត្រឹមថ្ងៃពុធ

ប្រទេសប្រេស៊ីល៖ ក្រសួងសុខាភិបាលនៅក្នុងប្រទេសប្រេស៊ីលបានបង្ហាញទិន្នន័យថ្មីនៃវីរុស កូវីដ-១៩ កាលពីថ្ងៃពុធនេះថា ចំនួនអ្នកស្លាប់កាលពីថ្ងៃពុធមានចំនួន ១,៣៤៩ នាក់ និងករណីឆ្លងថ្មីមានចំនួន ២៨,៦៣៣ ករណី។

គួរឱ្យកត់សម្គាល់ គិតត្រឹមពេលនេះចំនួនអ្នកដែលបានស្លាប់ដោយសារកូវីដ-១៩ នៅប្រទេសប្រេស៊ីលមានចំនួន ៣២,៥៤៨ នាក់ និងឆ្លងសរុបចំនួន ៥៨៤,០១៦ ករណី។

គួរបញ្ជាក់ផងដែរថា ចំពោះទិន្នន័យទូទាំងសកលលោកវិញ គិតត្រឹមពេលនេះគឺមានអ្នកឆ្លងសរុប ៦.២៩ លានករណី និងបាត់បង់ជីវិតចំនួន ៣៨ ម៉ឺននាក់ផងដែរ៕

ប្រភព៖ Reuters