ក្រុងហាណូយ៖ ពលរដ្ឋវៀតណាមសរុបចំនួន ៣៤០ នាក់ដែលជាប់គាំងនៅក្នុងប្រទេសឥណ្ឌាបានវិលត្រឡប់ទៅ វៀតណាមវិញនៅព្រឹកថ្ងៃពុធនេះតាមយន្ដហោះដែលបានរៀបចំយ៉ាងពិសេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកដំណើរទាំងអស់ត្រូវបានផ្តល់ការត្រួតពិនិត្យសុខភាព ហើយត្រូវបានដាក់ឱ្យនៅដាច់ដោយឡែកពីគ្នាបន្ទាប់ពី ការហោះហើរចុះចតនៅអាកាសយានដ្ឋានអន្តរជាតិ Cần Thơ ក្នុងតំបន់ដីសណ្ដមេគង្គ (Mekong Delta)។
នៅលើយន្តហោះមកពីប្រទេសឥណ្ឌាក៏មានដូនជី និងព្រះសង្ឃមួយចំនួនដែលបានចូលរួមក្នុងដំណើរចាកចេញ មុនពេលប្រទេសនេះត្រូវបានចាក់សោររារាំងពួកគេមិនឲ្យចាកចេញ។ មនុស្សជាច្រើនទៀតរាប់បញ្ចូលទាំង ស្ត្រីមានផ្ទៃពោះ កុមារ និងនិស្សិតត្រូវធ្វើដំណើរយ៉ាងវែងឆ្ងាយឆ្លងកាត់ប្រទេសឥណ្ឌា ដើម្បីទៅដល់ទីក្រុងញូវដេលី (New Delh) ដើម្បីឡើងជិះយន្តហោះ។
ការធ្វើមាតុភូមិនិវត្តន៍ត្រូវបានរៀបចំឡើងដោយអាជ្ញាធរនៅវៀតណាម ក៏ដូចជាស្ថានទូតវៀតណាមប្រចាំនៅប្រទេសឥណ្ឌា និងក្រុមហ៊ុនអាកាសចរណ៍ជាតិវៀតណាមអ៊ែរឡាញ។
នេះជាជើងហោះហើរធ្វើមាតុភូមិនិវត្តន៍លើកទី ២ ដែលត្រូវចុះចតនៅវៀតណាមនៅសប្តាហ៍នេះ។ នៅថ្ងៃច័ន្ទនេះ ជើងហោះហើរមួយបានមកដល់អាកាសយានដ្ឋាន Nội Bài នៅក្នុងក្រុងហាណូយដោយបាននាំពលរដ្ឋវៀតណាម ៣០០ នាក់មកពីប្រទេសថៃ។ អ្នកដំណើរទាំងនោះរួមជាមួយនាវិកក៏ត្រូវបានផ្តល់ការត្រួតពិនិត្យសុខភាព និងនាំទៅកន្លែងដាច់ដោយឡែកផងដែរ។
អាជ្ញាធរ និងក្រុមហ៊ុនអាកាសចរណ៍វៀតណាមនឹងបន្តបញ្ជូនជើងហោះហើរពាណិជ្ជកម្មដើម្បីនាំពលរដ្ឋវៀតណាម ត្រឡប់ទៅប្រទេសវិញតាមការណែនាំរបស់នាយករដ្ឋមន្រ្តី និងផ្អែកលើសេចក្ដីត្រូវការរបស់ពលរដ្ឋ សមត្ថភាពនៃការផ្ដល់ទីតាំងក្នុងការស្នាក់នៅដាច់ដោយឡែកនៅតាមតំបន់នានាក្នុងប្រទេស និងការវិវត្តនៃជម្ងឺរាតត្បាត COVID-១៩។
ក្នុងរយៈពេលតែមួយខែកន្លងមកនេះ ជើងហោះហើរបាននាំយកពលរដ្ឋវៀតណាមដែលកំពុងរស់នៅអឺរ៉ុប រុស្ស៊ី កាណាដា និងអាមេរិកជាច្រើន៕
ប្រភព៖ Viet Nam News