ភ្នំពេញ៖ ក្រុមហ៊ុន វីតាល់ និងមីជាតិ បានដឹកនាំបុគ្គលិក រៀបចំកម្មវិធីថ្លែងអំណរគុណដល់ក្រុមគ្រូពេទ្យជួរមុខ ដោយផ្ទាល់ នៅមន្ទីរពេទ្យ មិត្តភាពខ្មែរ-សូវៀត នៅថ្ងៃទី១៩ ខែឧសភា ឆ្នាំ២០២០ នេះ បន្ទាប់ពីកម្ពុជាបានព្យាបាលអ្នកជំងឺទាំង ១២២នាក់ ឲ្យជាសះស្បើយដោយមិនមានករណីស្លាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក តិច មិញ ប្រធានគ្រប់គ្រងប្រតិបត្តិការក្រុមហ៊ុនវីតាល់ និងមីជាតិ បានមានប្រសាសន៍ថា ៖
ដើម្បីជាការថ្លែងអំណរគុណដល់លោកគ្រូអ្នកគ្រូពេទ្យ ក្រុមហ៊ុនទឹកពិសា វីតាល់ និងមីជាតិ បានពាំនាំយកនូវសម្ភារៈមួយចំនួនដូចជា ផ្ទាំងគំនូរថ្លែងអំណរគុណដល់ក្រុមគ្រូពេទ្យជួរមុខ ដែលមានស្នាមមេដៃបុគ្គលិករបស់ក្រុមហ៊ុន ដើម្បីបញ្ជាក់ពីការថ្លែងអំណរគុណ បណ្ណបរិភោគអាហារជុំគ្នាសម្រាប់ក្រុមគ្រូពេទ្យជួរមុខនៅក្នុងភោជនីយដ្ឋានវ័នម៉រ បាច់ផ្កា ទឹកពិសាវីតាល់ និងមីជាតិមួយចំនួន ដើម្បីប្រើប្រាស់ក្នុងមន្ទីរពេទ្យផងដែរ។
លោកសាស្រ្តាចារ្យ ងី ម៉េង នាយកគ្រប់គ្រងទូទៅនៅមន្ទីរពេទ្យមិត្តភាពខ្មែរ-សូវៀត និងក្រុមគ្រូពេទ្យជួរមុខទាំងអស់ ក៏បានថ្លែងអំណរគុណដល់បុគ្គលិកក្រុមហ៊ុនទឹកពិសារវីតាល់ និងមីជាតិ ប្រកបដោយសេចក្តីសោមនស្សរីករាយយ៉ាងក្រៃលែង ចំពោះអ្វីដែលបុគ្គលិកវីតាល់ និងមីជាតិបានធ្វើឡើងនាពេលនេះ ព្រោះថាសកម្មភាពនេះគឺជាសកម្មភាពដែលមានអត្ថន័យជ្រាលជ្រៅ មិនអាចកាត់ថ្លៃបានសម្រាប់ការកោតសរសើរ ការលើកទឹកចិត្ត និងការយល់ពីទុក្ខលំបាករបស់ក្រុមគ្រូពេទ្យជួរមុខទាំងអស់របស់យើង។
បន្ថែមពីនេះទៅទៀតលោកសាស្រ្តាចារ្យនាយក ងី ម៉េង បានអំពាវនាវដល់ប្រជាពលរដ្ឋកម្ពុជាទាំងអស់ឲ្យបន្តរក្សាអនាម័យ រក្សាគម្លាត និងពាក់ម៉ាស់ជាប្រចាំ ដើម្បីទប់ស្កាត់ការផ្ទុះឡើងវិញ ជារលកទី២ នៃវីរុសកូវីដ-១៩នេះ។
គួរបញ្ជាក់ផងដែរថា ក្រៅពីរៀបចំកម្មវីធីថ្លែងអំណរគុណនៅក្នុងមន្ទីពេទ្យដោយផ្ទាល់ វីតាល់ និងមីជាតិ ក៏បានផលិតវីដេអូថ្លែងអំណរគុណដល់ក្រុមគ្រូពេទ្យជូរមុខ និងក្រសួងសុខាភិបាល ដែលបានចាត់វិធានការទប់ស្កាត់ការរីករាលដាលនៃវីរុសកូវីដ-១៩ ទាន់ពេលវេលា និងបានបង្ហោះវីដេអូនោះជាសាធារណៈ នៅថ្ងៃដែលអ្នកជំងឺកូវីដ-១៩ ចុងក្រោយបានជាសះស្បើយផងដែរ៕