អ្នកទេសចរចិន នាំគ្នាសម្រុកទៅទស្សនាកោះថ្មរាងស្រដៀងសត្វអណ្ដើក ដែលកម្រផុសឡើងចេញពីទន្លេ (មានវីដេអូ)

ចិន៖ ថ្មីៗនេះ អ្នកទេសចរជនជាតិចិនជាច្រើន បាននាំគ្នាសម្រុកទៅទស្សនាកោះថ្មរាងស្រដៀងនឹងសត្វអណ្ដើក បន្ទាប់ពីវាផុសឡើងបង្ហាញខ្លួនយ៉ាងធំ នៅពេលទឹកទន្លេមានកម្រិតស្រកចុះទាបបំផុតសឹងដល់បាត។

កោះដ៏ស្រស់ស្អាតមួយនេះ មានទីតាំងស្ថិតនៅចំកណ្ដាលទន្លេយ៉ងហ្សេ ភាគនិរតីនៃទីក្រុងឆុងឈីង។ ហើយត្រូវបានអ្នកស្រុកហៅថា «អណ្តើកអាថ៌កំបាំង» ព្រោះវាមានរូងរាងមើលទៅដូចជាសត្វអណ្ដើកយក្សមួយក្បាលកំពុងតែដេក។

យោងតាមសម្ដីរបស់អ្នកទេសចរម្នាក់បានប្រាប់ប្រភពសារព័ត៌មាន PEAR ឲ្យដឹងថា ប្រជាជនភាគច្រើនជឿថា សត្វអណ្ដើកជានិមិត្តរូបនៃអាយុវែង ហើយនេះជាមូលហេតុដែលជំរុញឲ្យពួកគេនាំគ្នាសម្រុកមកទស្សនា។

គួរឲ្យដឹងដែរថា ថ្មដែលមានរូបរាងស្រដៀងសត្វអណ្ដើកនេះ គឺជាផ្នែកមួយនៃក្វាននីនរីនដែលជាកំពង់ផែធម្មជាតិប្រវត្តិសាស្ត្រ ដោយវាត្រូវបានគេប្រើនៅក្នុងសម័យរាជវង្សឈីង និងសង្គ្រាមរវាងចិន ជាមួយជប៉ុន។ ហើយនាវាចម្បាំងអាមេរិក ក៏បានឈរជើងនៅកំពង់ផែធម្មជាតិនោះដែរ ខណៈពេលអាមេរិកកំពុងជួយចិនកម្ចាត់ការឈ្លានពានពីកងទ័ពជប៉ុន៕

សូមទស្សនារូបភាពនិងវីដេអូខាងក្រោម៖