ស្វាមីបារម្ភមិនស្ទើរ! នៅសុខៗ គង់ សុជាតិ ឈឺដល់ថ្នាក់ចូលមន្ទីរពេទ្យ

ភ្នំពេញ៖ ទោះបីជាប្រឡូកនៅក្នុងវិស័យសិល្បៈអស់រយៈពេលជាច្រើនឆ្នាំ ថែមទាំងមានសិស្សប្អូនស្រករក្រោយដែលពោរពេញដោយសមត្ថភាពជាច្រើននាក់ក៏ដោយ តែពិធីការិនីដ៏ល្បីឈ្មោះ អ្នកនាង គង់ សុជាតិ នៅតែទទួលបានប្រជាប្រិយ និងការគាំទ្រពីទស្សនិកជន ជាពិសេស បច្ចុប្បន្ន នាងថែមទាំងមានភាពមមាញឹក នៅក្នុងការងារសិល្បៈ ទៀតផង។

ប៉ុន្តែថ្មីៗនេះ ស្រាប់តែមានរឿងដ៏ភ្ញាក់ផ្អើល ចំពោះពិធីការិនីរូបនេះ ដោយពិធីករ លោក ជា វិបុល ដែលជាស្វាមីរបស់នាង បានបង្ហោះសារ ព្រមទាំងរូបភាព​នៅលើបណ្ដាញសង្គមហ្វេសប៊ុក ដោយបានរៀបរាប់ថា ភរិយារបស់ខ្លួនកំពុងតែឈឺ ត្រូវសម្រាលនៅមន្ទីរពេទ្យ ។

យ៉ាងណាមិញ នៅក្នុងការបង្ហោះនេះ លោក មិនបានបញ្ជាក់ថា អ្នកនាង គង់ សុជាតិ មានជំងឺអ្វីឲ្យប្រាកដនោះឡើយ ប៉ុន្តែ ក្រោយពីបានជ្រាបដំណឹងបែបនេះ បណ្ដាហ្វេនៗជាច្រើន បានចូលមកសម្ដែងក្ដីបារម្មណ៍ ព្រមទាំងជូនពរឲ្យនាង ឆាប់ជាសះស្បើយ ផងដែរ៕

សូមទស្សនារូបភាពខាងក្រោម៖