ថ្ងៃបុណ្យរម្លឹកគុណម្តាយ តារាល្បីៗ នាំគ្នាបង្ហោះរូបអ្នកមានគុណ ព្រមទាំងសារដ៏មានន័យ

គាត់ជាមនុស្សដែលមានស្នេហាស្មោះបំផុតសំរាប់ខ្ញុំ ម៉ាក់ជានារីអស្ចារ្យជាងគេ

អ្វីៗអាចរកទិញបាន តែកិត្តិយសរកទិញមិនបាននោះទេ.. ត្រូវធ្វើខ្លួនឲ្យមានកិត្តិយស ហើយយកកិត្តិយសទៅរកអ្វីៗគ្រប់យ៉ាង..! " ពាក្យម៉ែ " Happy Mother's Day

ម៉ាក់របស់ខ្ញុំគាត់គឺជាគ្រូបង្រៀនភាសារបារាំងនៅផ្ទះកាលពីកំឡុងឆ្នាំ៨០+ ក្រោយមកគាត់បានក្លាយជាអ្នកនិពន្ធ ប្រលោមលោក និពន្ធរឿងភាពយន្ត និងជាតួរសម្តែង ម្តាយ កំឡុងឆ្នាំ ៨០+ ដល់ ៩០+ ហើយបន្តរនិពន្ធរឿងពីឆ្នាំរហូតដល់សព្វថ្ងៃ និងជាម្ចាស់សំអាងការ ណុប បាយ៉ារិទ្ធ។ មុននិងមានខ្ញុំគាត់បានបន់ស្រន់នៅថ្ងៃសែនព្រះខែ ខ្ញុំកើតមកប៉ាម៉ាក់ក៍សម្រេចដាក់ឈ្មោះថា សូឡី (soley) ភាសារបារាំងប្រែជាខ្មែរថា ព្រះអាទិត្យ កាលនោះគេតែងនាំគ្នាថាប៉ាម៉ាក់ខ្ញុំស៊ីឈ្នួលមើលកូនអោយរុស្សី ខ្ញុំជាកូនច្បងក្នុងគ្រួសារមានបងប្អូន៦នាក់ មានប្អូនស្រីតែម្នាក់គត់ ក្នុងចំណោមបងប្អូនទាំង៦សុទ្ធសឹងតែគេចមិនផុតពីសិល្បៈ ព្រោះឪពុកម្តាយ អ៊ុំពូមីង សុទ្ធសឹងតែជាអ្នកសិល្បៈ ។ ម៉ាក់ខ្ញុំបានប្រាប់ថា៖ ធ្វើអ្វីក៍ដោយ យើងទាបគេជាន់ យើងលូតគេក្តិច យើងខ្ពស់គេកាច់បំបាក់ យើងក្រគេមើលងាយ យើងមានគេច្រណែន ក្នុងកាលៈទេសៈណាក៍ដោយ ចាញ់ជាព្រះ ឈ្នះជាមារ នណាធ្វើអ្វីនិងបានផលនោះ កុំតបត សត្រូវរបស់កូនគង់តែបរាជ័យអោយកូនឃើញ ធ្វើល្អមនុស្សមើលមិនឃើញ ទេវតាឃើញ អំពើរល្អមិនស្រយុត។ ទើបខ្ញុំតែងតែអោយអ្នកធ្វើអាក្រក់ជាមួយខ្ញុំសប្បាយនិងទង្វើររបស់គេគ្រប់ៗគ្នា ព្រោះចុងក្រោយអ្នកបរាជ័យនិងវិនាស វាពិតជាមិនមែនខ្ញុំ។ ថ្ងៃទី១០ ខែ ឧសភា ២០២០ ទិវាបុណ្យម្តាយ ជូនពរអោយម៉ាក់ សុខភាពល្អ កំលាំងមាំមួន មានស្នាមញញឹមរហូត។

Happy Mother’s Day គ្មានអ្វីធំធេងជាងក្តីស្រឡាញ់របស់កូនចំពោះម៉ាក់ទេ ជូនពរម៉ាក់អោយមានសុខភាពល្អអាយុយឺនយូរជាម្លប់ដ៍ត្រជាក់ដល់កូន​ចៅជារៀងរហូត

គ្រប់គ្នាអាចបោះបង់កូន​ អាចប្រែប្រួល​ តែចំពោះម្តាយគឺមិនដែលបោះបង់កូនៗចោលឡេីយ​ ក្តីស្រឡាញ់មិនដែលប្រែប្រួលគឺម្តាយយេីង​ រីករាយទិវាបុណ្យម្តាយ  Happy mother’s day

  រីករាយទិវាគុណម្ដាយ កូនជូនពរម៉ាក់ សុខភាពល្អ អាយុវែង និងមានសេចក្ដីសុខពេញមួយជីវិត #happymothersday

អរគុណអ្នកមានគុណ ដែលបានបង្កេីតនិងថែទាំកូនស្រីម្នាក់នេះ ថ្ងៃនេះជាថ្ងៃបុណ្យម្ដាយ កូនសូមជូនពរអ្នកម្ដាយ អោយមានសុខភាពល្អ អាយុវែង កុំអោយកើតមានជំងឺអីទាំងមកលើកម៉ាក់ និងអោយក្រុមគ្រួសារយើងមានសុភមង្គល កូនស្រលាញ់ម៉ាក់