បាងកក៖ ទីភ្នាក់ងារនាំពាក្យរដ្ឋាភិបាលថៃបានរាយការណ៍នៅថ្ងៃអង្គារនេះថា ប្រទេសថៃបានរកឃើញអ្នកឆ្លងជំងឺកូវីត១៩ ថ្មីចំនួន ៣៨ នាក់ និងអ្នកស្លាប់ម្នាក់ ដែលជាបុរសអាយុ ៥៤ ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Taweesin Wisanuyothin អ្នកនាំពាក្យមជ្ឈមណ្ឌលគ្រប់គ្រងស្ថានការណ៍ជំងឺកូវីត១៩ បាននិយាយថា៖
ករណីអ្នកឆ្លងជំងឺថ្មីនេះ រួមមាន ១៦ករណី ជាករណីឆ្លងមកពីក្រៅប្រទេស, ១៧ករណី គឺទាក់ទងនឹងករណីមុនៗដូចជា ករណីឆ្លងនៅកន្លែងប្រកួតប្រដាល់និងកន្លែងកម្សាន្ត ចំណែក ៥ករណីផ្សេងទៀត គឺកំពុងស្ថិតក្រោមការស៊ើបអង្កេតបន្ថែម ដើម្បីរកមូលហេតុនៃការឆ្លងជំងឺនេះ។
សូមជម្រាបផងដែរថា ចាប់តាំងពីមានការផ្ទុះឡើងនៃជំងឺកូវីត១៩កាលពីខែមករាកន្លងមក ប្រទេសថៃមានអ្នកឆ្លងជំងឺសរុប ២,២៥៨ នាក់ និងមានអ្នកស្លាប់ចំនួន ២៧ នាក់ ខណៈអ្នកជំងឺចំនួន ៨២៤ នាក់ផ្សេងទៀតបានជាសះស្បើយ ហើយក៏បានត្រឡប់ទៅផ្ទះវិញដែរ៕
Bong I.T