បរទេស៖ កាលពីពេលថ្មីៗនេះ កូនប្រុសច្បងរបស់Angelina Jolie បានវិលត្រឡប់ទៅកាន់ សហរដ្ឋអាមេរិកវិញ បន្ទាប់ពី សាកលវិទ្យាល័យ នៅក្នុងប្រទេសកូរ៉េ ត្រូវបានបិទរួមមក ក៏មានព័ត៌មានចចាមអារ៉ាមផ្សេងៗ ទាក់ទងនឹងបញ្ហាមួយនេះជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះយ៉ាងដោយ កាលពីពេលថ្មីៗនេះ បានលេចលឺ ព័ត៌មានមួយថា តារាសម្តែងAngelina Jolie ត្រៀមផ្លាស់ប្តូរ សាលាថ្មីឲ្យMaddox ក្រោយពេលដែល ប្រទេសកូរ៉េផ្ទុះចំនួន អ្នកឆ្លងវីរុសCOVID-19 កាន់តែច្រើនឡើង។ ក៏ប៉ុន្តែដើម្បីឆ្លើយតបនឹង ពាក្យចចាមអារ៉ាមនេះAngelina Jolie ក៏បានចេញមុខ មកបញ្ជាក់ផងដែរថា៖
ខ្ញុំពិតជារីករាយ និងមានអារម្មណ៍ថា មានផាសុខភាព ជាមួយនឹងជម្រើស កូនប្រុសរបស់ខ្ញុំដែលបានជ្រើសរើសយក សាកលវិទ្យាល័យYonsei ។ ទោះយ៉ាងដោយសារតែ សាលារៀន ត្រូវបានបិទជាបណ្តោះអាសន្ន ដោយសារតែជំងឺរាតត្បាត ទើបMaddox ត្រឡប់មកវិញ។ ដូច្នេះគ្មានផ្លូវដែលMaddox អាចផ្ទេរសាលារៀនបានទេ។ កូនប្រុសរបស់ខ្ញុំ នឹងវិលត្រឡប់ ទៅប្រទេសកូរ៉េវិញ។
លើសពីនេះ អ្នកម្តាយរបស់កូន៦ នាក់រូបនេះ ក៏បានចែករំលែកផងដែរថា អរគុណដល់ Maddox ដែលជ្រើសរើសសិក្សា នៅប្រទេសកូរ៉េ នាងសប្បាយចិត្តណាស់ ដែលមានឱកាសបានរៀន អំពីវប្បធម៌និង ទំនៀមទំលាប់នៃ ទឹកដីដើមកំណើតគីមឈីមួយនេះ។ គួរបញ្ជាក់ផងដែរថា បច្ចុប្បន្ននេះកូនប្រុសច្បងAngelina Jolie បានត្រឡប់ទៅផ្ទះ នៅសហរដ្ឋអាមេរិក ជាមួយម្តាយ និងប្អូនៗវិញហើយ៕
Bong I.T