កម្ពុជាមានកូវីដ១៩បន្ថែម ០៤ករណី លើ១០៣​ ករណី សរុប​១០៧​នាក់ គិត​ត្រឹមព្រឹក​៣០ មីនា

ក្រសួងសុខាភិបាលនៅព្រឹកថ្ងៃទី៣០ ខែមីនានេះ បាន​ប្រកាសពីការរកឃើញករណីឆ្លង COVID-19 ចំនួន​ ០៤​ករណីបន្ថែមទៀតនៅ​កម្ពុជា។​ ការរកឃើញបន្ថែមនេះ នាំឲ្យកម្ពុជាមានកូវីដ១៩ សរុប១០៧នាក់​ (ស្រ្តី២៩នាក់)។

ជាការកត់សម្គាល់ អ្នកឆ្លងទាំង ០៤ករណី នោះមានបុរសម្នាក់ដែលធ្វើការក្នុងកាស៊ីណូនៅច្រកប៉ោយប៉ែត បុរសម្នាក់ដែលទើបត្រលប់មកពីជប៉ុន នារីម្នាក់ជានិស្សិតទើបត្រលប់មកពីអង់គ្លេស និងម្នាក់ទៀតជាបុរស​ជនជាតិបារាំងមានប្រវត្តិធ្វើដំណើរទៅប្រទេសហ្គុយយ៉ាណា។

យ៉ាងណា ក្នុងនោះក្រសួងបានបញ្ជាក់ថា មានអ្នកជាសះស្បើយសរុបចំនួន ២៣នាក់។