សោកស្ដាយ! យុវតីម្នាក់នេះ មានផ្ទុកវីរុសកូវីដ-១៩ បានស្លាប់ក្នុងមន្ទីរពេទ្យ បន្ទាប់ពីធ្វើអត្តឃាត ព្រោះតែហេតុផលទាំងនេះ…!

អង់គ្លេស៖ យុវតីដ៏ស្រស់ស្អាតមួយរូបឈ្មោះថា Emily Owen វ័យ១៩ឆ្នាំ មកពីទីប្រជុំជន King’s Lynn មានផ្ទុកវីរុសកូវីដ-១៩ បានស្លាប់ក្នុងមន្ទីរពេទ្យ បន្ទាប់ពីធ្វើអត្តឃាត។

នាង Emily ជាមនុស្សម្នាក់ពោរពេញទៅដោយភាពរីករាយ និងមានមន្ដស្នេហ៍ ហើយនាងក៏មានជំងឺប្រចាំកាយផងដែរ គឺជំងឺផ្លូវចិត្ត និងមានភាពភ័យខ្លាចក្នុងការប្រាស្រ័យទាក់ទងមនុស្សជុំវិញខ្លួន។

គ្រួសាររបស់នាង Emily បានឲ្យដឹងដែរថា នាង Emily មិនអាចទ្រាំទ្រនឹងការរស់នៅដាច់ដោយឡែកបានឡើយ ខណៈផែនការនាៗដែលនាងបានគ្រោងទុកត្រូវបានលុបចោល និងត្រូវនៅតែម្នាក់ឯងក្នុងមន្ទីរពេទ្យទៀត ពោលគឺនាងខ្លាចភាពឯកាតែម្ដង។ ហើយនេះជាហេតុ បណ្ដាលឲ្យនាងសម្រេចចិត្តធ្វើអត្តឃាតនៅក្នុងមន្ទីរពេទ្យ កាលពីថ្ងៃអាទិត្យទី២២ ខែមីនាកន្លងទៅនេះ។

ហើយមុនប៉ុន្មានថ្ងៃដែលនាង Emily ស្លាប់ នាងក៏បានផ្ដាំទៅមនុស្សជាទីស្រលាញ់របស់នាងដែរថា មនុស្សជាច្រើននឹងស្លាប់ដោយការធ្វើអត្តឃាតក្នុងកំឡុងពេលវីរុសកូវីដ-១៩កំពុងរាតត្បាត ជាងស្លាប់ដោយសារវីរុសនេះទៅទៀត។

យ៉ាងណាមិញ ដោយសារតែនាង Emily កាលនៅមានជីវិតធ្លាប់ស្ម័គ្រចិត្តចូលរួមជួយអ្នកមានទុក្ខលំបាក មហាជននៅលើបណ្ដាញសង្គមអុីនធឺណេតក៏បានបង្កើតគេហទំព័រមួយ ដើម្បីរៃអង្គាសប្រាក់ក្រោមពាក្យស្លោក «ការចងចាំរបស់ Emily» ផងដែរ៕

សូមទស្សនារូបភាពខាងក្រោម៖