សេអ៊ូល៖ យោធារបស់កូរ៉េខាងត្បូងនិយាយថា នៅថ្ងៃសៅរ៍នេះប្រទេសកូរ៉េខាងជើង បានបាញ់មីស៊ីលបាលីស្ទីករយៈចម្ងាយខ្លីចំនួន ២ គ្រាប់ចូលទៅក្នុងសមុទ្រខាងកើតរបស់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អគ្គសេនាធិការចំរុះរបស់កូរ៉េខាងត្បូងបាននិយាយនៅក្នុងសេចក្តីថ្លែងការណ៍មួយថា៖
មីស៊ីលបាលីស្ទីកទាំង ២ គ្រាប់ ត្រូវបានបាញ់ចេញពីភាគខាងជើងទីក្រុងព្យុងយ៉ាង ចូលទៅក្នុងសមុទ្រជប៉ុន ដែលត្រូវបានគេស្គាល់ថាជាសមុទ្រខាងកើត។ លោកបានបន្ថែមទៀតថា ទន្ទឹមគ្នានេះដែរ យោធាកូរ៉េខាងត្បូងក៏កំពុងតាមដានសកម្មភាពរបស់កូរ៉េខាងជើង ក្រែងលោមានការបាញ់បន្ថែមទៀត ក៏ដូចជាការត្រៀមខ្លួនប្រយុទ្ធផងដែរ។
គួររម្លឹកផងដែរថា កាលពីថ្ងៃទី ៨ ខែមីនាកន្លងទៅ ប្រទេសកូរ៉េខាងជើងបានបាញ់គ្រាប់ផ្លោងចំនួន ៣ គ្រាប់ ដែលគេមិនស្គាល់ប្រភេទ ចូលទៅក្នុងដែនសមុទ្រខាងកើតដូចគ្នា៕
Bong I.T