ភ្នំពេញ៖ ប្រិយមិត្តប្រហែលជាបានអានព័ត៌មានមួយចំនួន ចុះផ្សាយទាក់ទងនឹង Smecta ដែលជាថ្នាំព្យាបាលជំងឺរាកដ៏ពេញនិយម ទាំងសម្រាប់កុមារនិងមនុស្សពេញវ័យ របស់ប្រទេសបារាំង ដែលថា Smecta ត្រូវបានរដ្ឋាភិបាលបារាំងណែនាំមិនឲ្យកូនក្មេងប្រើ ដោយសារមានផ្ទុកជាតិសំណដ៏តិចតួចបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមការពិតទៅ ព័ត៌មានទាំងអស់នេះគឺមិនត្រឹមត្រូវទាំងស្រុងឡើយ ដោយសារតែការបកប្រែបាត់ខ្លឹមសារ និងមិនគ្រប់ជ្រុងជ្រោយនៃព័ត៌មានទាំងអស់នោះ ជាហេតុបង្កឲ្យមានការយល់ច្រលំទៅលើការប្រើប្រាស់ Smecta ព្រោះតាមសារណែនាំរបស់ក្រសួងសុខាភិបាលបារំាំង គឺមិនមានពាក់ព័ន្ធអ្វីនឹងការប៉ះពាល់សុខភាពកុមារអាយុលើសពី ២ឆ្នាំឡើយ គ្រាន់តែណែនាំឲ្យប្រើទឹកអូរ៉ាលីតជាជំរើសដំបូង សម្រាប់ព្យាបាលជំងឺរាករូសទៅលើកុមារអាយុក្រោម២ឆ្នាំ ទៅតាមគោលការណ៍របស់អង្គការសុខភាពពិភពលោក WHO ប៉ុណ្ណោះ។
ដូច្នេះហើយសម្រាប់ប្រិយមិត្ត និងឪពុកម្ដាយដែលប្រហែលជាមានការភ័យខ្លាចកន្លងមកនោះ សូមមេត្តាឈប់បារម្ភទៀតទៅ ព្រោះឆ្លងកាត់តាមការស្រាវជា្រវ និងការពិសោធន៍បន្ថែមយ៉ាងស៊ីជម្រៅរបស់ក្រុមហ៊ុនផលិតឱសថ IPSEN បានបញ្ជាក់ឲ្យឃើញថា សារធាតុសំណដែលមានក្នុង Smecta មានកំរិតយ៉ាងតិចតួចបំផុតហើយមិនមានហានិភ័យអ្វីដល់សុខភាពឡើយ។ ម្យ៉ាងទៀត នៅក្នុងចំណីអាហារ និងទឹកដែលយើងបរិភោគរាល់ថ្ងៃក៏មានផ្ទុកសារធាតុសំណដ៏តិចតួចបំផុតនេះដែរ។
Smecta មិនត្រឹមតែបញ្ឈប់ការរាករូសខ្លាំងទេ ហើយថែមទាំងព្យាបាលមូលហេតុដែលបង្កឲ្យរាកផងដែរ ប៉ុន្ដែការប្រើប្រាស់សម្រាប់ការព្យាបាលជំងឺរាករយៈពេលយូរចំពោះក្មេងតូចៗ និងការប្រើប្រាស់ចំពោះស្រ្ដីមានផ្ទៃពោះ និងកំពុងបំបៅកូនដោយទឹកដោះគួរតែចៀសវាង។
ដូច្នេះប្រិយមិត្ត បានជ្រាបច្បាស់ហើយអំពីការប្រើប្រាស់ Smecta សម្រាប់ក្រុមគ្រួសារ និងបុត្រធីតាលោកអ្នក ហើយសម្រាប់ពត៌មានបន្ថែម អាចសាកសួរគ្រូពេទ្យ ឬឱសថការីនៅតាមឱសថស្ថាននានាទូទាំងប្រទេសបាន។
សំរាប់ពត៌មានបន្ថែម សូមទាក់ទងផេក: https://www.facebook.com/SmectaCambodia/ ៕
Bong I.T