ម៉ាស់ឡើងថ្លៃពេក! ក្រុមគ្រូពេទ្យ នៅសៀមរាប យកក្រម៉ាខ្មែរ មកពាក់វិញ

សៀមរាប៖ ប្រិយមិត្តប្រាកដជា បានដឹងហើយថា នៅក្នុងខេត្តសៀមរាប កំពុងមានការព្រួយបារម្មណ៍យ៉ាងខ្លាំង ចាប់តាំងពី មានបុរសជនជាតិខ្មែរម្នាក់ មានអាយុ ៣៨ឆ្នាំ បានផ្ទុកជំងឺវីរុស Covid-19។

យ៉ាងណាមិញ បុរសដែលបានផ្ទុកវីរុស Covid-19 ក៏បានបញ្ជូនទៅ ពិនិត្យនៅឯ មន្ទីពេទ្យបង្អែក ក្នុងបន្ទប់ដាច់ដោយឡែក អមដោយការគ្រប់គ្រង មើលថែយ៉ាងដិតដល់ ទៅកាន់បុរសនោះ កក់ក្ដៅ ព្រមទាំង យកចិត្តទុកដាក់ជាទីបំផុត។

ក្នុងនោះដែរ ប្រិយមិត្តបានដឹងហើយថា បច្ចុប្បន្ននេះ ម៉ាស់ គឺជាប្រធានបទដ៏ក្ដៅគគុក ដែលមានតម្លៃឡើង ថ្លៃខ្លាំងឡើងជាលំដាប់ តែអ្វីដែលកាន់តែចាប់អារម្មណ៍នោះ ប្រធានមន្ទីសុខាភិបាលខេត្តសៀមរាប បានណែនាំឲ្យប្រជាពលរដ្ឋ យកក្រមាខ្មែរ មកប្រើប្រាស់ជំនួសម៉ាស់ផងដែរ ហើយក្រម៉ា ក៏អាចបោកទឹកសាប៊ូ ហាលបានផងដែរ នឹងអាចមានសុវត្ថិភាព ការពារបានល្អដូចគ្នា ទៅនឹងម៉ាស់។

ជាមួយគ្នានេះដែរ រូបលោក និងក្រុមការងារ ក៏បានបង្ហោះរូបភាពជាច្រើនសន្លឹក អមដោយសកម្មភាព យកក្រម៉ា ជំនួសម៉ាស់វិញ៕

សូមទស្សនា រូបភាពខាងក្រោម៖