ខ្លាឃ្មុំទឹកកកបង្ខំចិត្តសុីកូនជាអាហារ ដោយសារការ​បំផ្លាញ​ជម្រកពីការបម្រែបម្រួលអាកាសធាតុ (វីដេអូ)

ខ្លាឃ្មុំទឹកកកជាសត្វដែលសុីសាច់ជាអាហារ តែនេះជាលើកដំបូងដែលយើងឃើញទង្វើបែបនេះពីវា។ការឡើងកម្តៅផែនដី និងសកម្មភាពមនុស្សនៅទ្វីបអាកទិច បានរួមចំណែកក្នុងការធ្វើឱ្យទឹកកករលាយ បាត់បង់ជម្រក និងចំណីរបស់វា។

យោងទៅតាមអ្នកស្រាវជ្រាវ មូលហេតុដែលបណ្តាលឱ្យខ្លាឃ្មុំទឹកកកធ្វើបែបនេះគឺមកពីកង្វះខាតនៃអាហារ ដោយជាទូទៅវាប្រមាញ់នៅលើសមុទ្រទឹកកក ដោយចាប់សត្វភេជាអាហារ។ ប៉ុន្តែដោយសារទឹកកករលាយអស់ វាបង្ខំចិត្តនៅជិតច្រាំង ហើយខ្លាឃ្មុំទឹកកកឈ្មោលធំៗក៏បានដេញចាប់ខ្លាឃ្មុំញី និងកូនតូចៗជាចំណីតែម្តង។

ម្យ៉ាងវិញទៀត គេក៏មើលឃើញពីការសម្លាប់ ហើយកប់សាច់នៅក្នុងទឹកកកផងដែរ ដែលសកម្មភាពនេះមានតែសម្រាប់ខ្លាឃ្មុំពណ៌ត្នោត និងមិនដែលមានចំពោះខ្លាឃ្មុំទឹកកកពីមុនមកទេ៕

សូមទស្សនាវីដេអូខាងក្រោម៖