អាសន្នធំហើយ! នៅអុីតាលី ស្លាប់២នាក់ និងអ្នកឆ្លងលើសពី១០០នាក់ គ្រប់កម្មវិធី ត្រូវរំសាយចោល

អ៊ីតាលី៖ អ្នកទាំងអស់ដែលនិយមតាមដានព័ត៌មានសង្គមច្បាស់ជាបានស្គាល់អំពីជំងឺដែលទើបតែមានវត្តមាននៅលើពិភពលោកនេះជាក់ជាមិនខាន ដែលគេនិយមហៅថាកូរ៉ូណា ដែលវាមានឈ្មោះថា Covid-19។

ជំងឺផ្លូវដង្ហើមប្រភេទថ្មីនេះដែលមានលក្ខណៈស្រដៀងជំងឺសារ ដែលបានឆក់យកជីវិតមនុស្សលើសពី២០០០នាក់ នៅជុំវិញពិភពលោក គឺបានវាយលុកប្រទេសមួយចំនួន ជាពិសេសនៅប៉ែកខាងអាស៊ីតែម្តង ដែលជំងឺនេះពិបាកនឹងទប់ទល់ណាស់​ដោយសារមិនទាន់មានវ៉ាក់សាំងដើម្បីទប់ទល់នោះឡើយ។

ដោយឡែកថ្មីៗនេះនៅទីក្រុងអ៊ីតាលីក៏ត្រូវរងការវាយលុកពីវីរុសកូរ៉ូណានេះដែរ ដោយមានចំនួនអ្នកស្លាប់២នាក់ និងអ្នកឆ្លងសរុបលើសពី១០០នាក់រួចហើយគិតត្រឹមព្រឹកនេះ។ដោយទីក្រុងនៅក្នុងប្រទេសអ៊ីតាលីជាច្រើនត្រូវបង្ខំចិត្តបិទទ្វារ ក្រោយពីការស្លាប់របស់អ្នកឆ្លងវីរុសកូរ៉ូណា និង​អ្នកមានចំនួនកើនឡើងរហ័សពេក។ រីឯប្រជាជនទាំងអស់មានសរុបមានចំនួនលើសពី៥ម៊ឺននាក់ត្រូវបានស្នើរសុំឲ្យនៅសម្រាកក្នុងផ្ទះមួយរយៈសិន។

ជាងនេះទៅទៀត សូម្បីតែកម្មវិធីធំៗជាច្រើនផ្សេងៗក៏ត្រូវលុប​ចោលផងដែរ រួមទាំងសាលារៀន ភោជនីយដ្ឋាន អូតែល និងការប្រកួតបាល់ ក្របខណ្ឌ Series A រវាងInter Milan និង​ Sampdoria ក៏ត្រូវបានលើកថ្ងៃប្រកួតផងដែរ៕

សូមទស្សនារូបភាពខាងក្រោម៖