ភ្នំពេញ៖ ក្រុមបណ្តាញពាណិជ្ជករ និងប្រតិបត្តិករលើវិស័យពាណិជ្ជកម្មអនឡាញ និង Offline បានជួបជុំពិភាក្សាគ្នា ក្រោមប្រធានបទ «E-Commerce Awareness 2020» ដែលរៀបចំឡើង ដោយក្រុមហ៊ុន Riich Me Co., Ltd និងមានការចូលរួមពីវាគ្មិនដែលមានជំនាញ និងបទពិសោធន៍ខ្ពស់ក្នុងវិស័យនេះ ចូលរួមបកស្រាយនិងចែករំលែកបទពិសោធន៍ ជូនដល់ម្ចាស់អាជីវកម្មប្រមាណជា៦០ក្រុមហ៊ុន ដែលមកពីវិស័យផ្សេងៗគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកិច្ចជំនួប និងពិភាក្សាស្វែងយល់ពីសក្ដានុពល និងឱកាសវិនិយោគនៅក្នុងវិស័យពាណិជ្ជកម្មបែបទំនើបជាលើកដំបូង នៅក្នុងរាជធានីភ្នំពេញខាងលើនេះ ត្រូវបានធ្វើឡើងកាលពីថ្ងៃទី១៥ ខែកុម្ភៈ ឆ្នាំ២០២០ នៅមជ្ឈមណ្ឌលសហប្រតិបត្តិការណ៍កម្ពុជា កូរ៉េ (CKCC) ដោយសមាសភាពចូលរួមជាពាណិជ្ជករ ប្រតិបត្តិករ ដែលមកពីបណ្តាក្រុមហ៊ុនពាក់ព័ន្ធសរុបប្រមាណជាង៨០នាក់។
អគ្គនាយកក្រុមហ៊ុន Riich Me Co., Ltd លោក Kerry Leng បានមានប្រសាសន៍ថា៖
លោក Kerry Leng មានបន្ថែមទៀតថា៖
លោក Phay Sopheak ដែលជាអនុប្រធានជាន់ខ្ពស់ផ្នែកគ្រប់គ្រងឌីជីថល មកពីធនាគាអេស៊ីលីដាបានមានប្រសាសន៍ថា ប្រព័ន្ធទូទាត់ប្រាក់បែបឌីជីថល បានដើរតួនាទីយ៉ាងសំខាន់ក្នុងវិស័យជំនួញ E-Commerce ហើយធនាគារអេស៊ីលីដាបានដើរនាទីនាទីយ៉ាងសំខាន់ ក្នុងការជម្រុញវិស័យនេះ។
លោកបន្ថែមទៀតថា ការទូទាត់តាមបែបឌីជីថល វាមានប្រសិទ្ធភាព រហ័ស និងសុវត្ថិភាព ហើយការទូទាត់បែបឌីជីថល មានការពេញនិយមជាខ្លាំង សម្រាប់បណ្តាប្រទេសដែលកំពុងអភិវឌ្ឍន៍។
ជាមួយគ្នានេះផងដែរ លោក Eang Kamrang ដែលជានាយកផ្នែក ICT ប្រចាំនៅក្រសួងប្រៃសណីយ៍ និងទូរគមនាគមន៍ ក៏បានមកបង្ហាញអំពីទស្សនៈវិស័យ និងការគាំទ្ររបស់រដ្ឋាភិបាលចំពោះវិស័យឯកជន។
លោក Jack Lee ដែលជានាយកប្រតិបត្តិរបស់ក្រុមហ៊ុន Smile shop ក៍បានចែករំលែកបទពិសោធន៍អាជីវកម្មបែបឌីជីថល ពីប្រទេសចិន និងសក្តានុពលអាជីវកម្មនេះ លោកថា E-commerce គឺជាបរិបទថ្មីនៃអាជីវកម្ម។ កម្ពុជាក៍នឹងទទួលបាននូវសក្តានុពលនេះដូចគ្នា ក្នុងរយៈពេលដ៍ខ្លីខាងមុខ ព្រោះអាជីវកម្មបែបបុរាណមិនអាច ឈរជើងលើទីផ្សារបានទេ។ លោកផ្តល់ដំបូន្មានដល់ម្ចាស់អាជីវកម្មទាំងអស់ គួរជួបប្រឹក្សាជាមួយអ្នកជំនាញ ដើម្បីអភិវឌ្ឍន៍អាជីវកម្មរបស់ពួកគេឲ្យមានលក្ខណៈស្តង់ដារ ដែលអាចពង្រីកសក្តានុពលទីផ្សារទៅក្រៅប្រទេស ជាពិសេសគឺប្រទេសចិនជាដើម។
គួរបញ្ជាក់ដែរថា ក្រុមហ៊ុន Riich Me Co., Ltd ដែលមានការិយាល័យកណ្តាលនៅប្រទេសសឹង្ហបុរី គឺជាក្រុមហ៊ុន ដែលផ្តល់នូវដំណោះស្រាយអាជីវកម្មបែបឌីជីថល E-Commerce ដែលបានផ្សារភ្ជាប់បណ្តាញសង្គមជាមួយនឹងបច្ចេកវិទ្យា E-Commerce តាមរយៈកម្មវិធីស្មាតហ្វូនរបស់ Riich គឺបានផ្តល់សក្តានុពលដែលអាច ឬឲ្យម្ចាស់អាជីវកម្មគ្រប់គ្រងការលក់ គ្រប់គ្រងអតិថិជន និងបង្កើតការលក់តាមរយៈទូរសព្ទ័ដៃ។ Riich App ក៍បានភ្ជាប់ទំនាក់ទំនងរវាងអ្នកផ្គត់ផ្គង់ អ្នកបោះដុំ អ្នកចែកចាយ និងអ្នកលក់រាយ នៅលើ Riich App និង Riich Business App ដែលនឹងដាក់ឲ្យដំណើរការជាផ្លូវការក្នុងពេលឆាប់ៗខាងមុខនេះ។
Riich ត្រូវបានចុះបញ្ជីអាជីវកម្មដោយមានការទទួលស្គាល់ ពីក្រសួងពាណិជ្ជកម្ម ក្រសួងប្រៃសនីយ៍ និងទូរគមនាគមន៍ ដោយបានចាប់ដៃគូរយុទ្ធសាស្រ្តជាមួយនធនាគារអេស៊ីលីដា ធនាគារវីង ក្រុមហ៊ុន PiPAY ក្រុមហ៊ុន AliPAY និងក្រុមហ៊ុន WeChat PAY ជាដើម សម្រាប់ដំណោះស្រាយ ទូទាត់ប្រាក់បែបឌីជីថល។ Riich ក៍បានបង្កើតនូវប្រពន្ធ័ទូទាត់លុយ ឬកាបូបឌីជីថល សម្រាប់គាំទ្រដល់សកម្មភាពប្រតិបត្តិការអាជីវកម្មទីផ្សាររបស់ដៃគូរអាជីវកម្មខ្លួន ប្រព័ន្ធទូទាត់ ឬកាបូបឌីជីថលរបស់ Riich មានសុវត្ថិភាពខ្ពស់ និងផ្តល់លទ្ធភាពអាចឲ្យសមាជិកខ្លួន ធ្វើការផ្ញើប្រាក់ឲ្យមិត្តភក្តិ និងសមាជិកក្រុមគ្រួសារ ជុំវិញពិភពលោកដោយមិនគិតថ្លៃ៕
សម្រាបើព័ត៌មានបន្ថែម ឬការប្រឹក្សាយោបល់ទាក់ទិននឹងប្រធានបទខាងលើ សូមធ្វើការទំនាក់ទំនង ក្រុមការងាររបស់ Riich តាមរយៈអ៊ុីម៉ែល៖ [email protected] និងលេខទូរស័ព្ទ៖ (855)-15 55 01 55.។