ប្រទេសវៀតណាម៖ ភូមិមួយចំនួននៅប្រទេសវៀតណាមដែលមានមនុស្សជាង ១ម៉ឺននាក់ត្រូវបានដាក់អោយនៅដាច់ដោយឡែកពីគេ ក្រោយពេលមានករណី ៦ នៃកូរូណាវុីរុសត្រូវបានរកឃើញ។ ការបិទច្រកចេញចូលរបស់ឃុំ Son Loi ៤០ គីឡូម៉ែត្រពីទីក្រុងហាណូយ គឺជាការដាក់អោយនៅដោយឡែកដ៏ធំជាងគេ បន្ទាប់ពីចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយការដាក់អោយនៅដោយឡែកនេះ គឺរយៈពេលដល់ទៅ ២០ថ្ងៃឯណោះ។ អាជ្ញាធរក៏បានចេញដំណឹងអោយអ្នកភូមិការពារខ្លួន និងចៀសវាងការជួបជុំគ្នាច្រើនផងដែរ។
គួរបញ្ជាក់ថា Son Loi គឺជាតំបន់កសិកម្មដែលមានភូមិជាច្រើនផ្តុំគ្នា។ ក្រសួងសុខាភិបាលបានរកឃើញថា មនុស្ស ៥ នាក់មកពីឃុំនេះត្រូវបានរកឃើញថាមានផ្ទុកកូរូណាវុីរុស ហើយទើបរកឃើញមួយករណីទៀតនៅថ្ងៃព្រហស្បតិ៍នេះ។
សូមបញ្ជាក់ថា ក្រៅពីចិន វៀតណាម និងរដ្ឋបាលពិសេសហុងកុង ម៉ាកាវ និងតៃវ៉ាន់ ប្រទេស២៤៣ ផ្សេងទៀតដែលមានអ្នកជំងឺកូរ៉ូណាវីរុសរួមមាន ជប៉ុន (បញ្ចូលទាំងអ្នកជំងឺនៅលើនាវាទេសចរណ៍ Diamond Princess) ថៃ សិង្ហបុរី កូរ៉េខាងត្បូង អូស្ត្រាលី ម៉ាឡេស៊ី បារាំង សហរដ្ឋអាមេរិក អាល្លឺម៉ង់ អេមីរ៉ាតអារ៉ាប់រួម កាណាដា អ៊ីតាលី រុស្ស៊ី ចក្រភពអង់គ្លេស កម្ពុជា ហ្វាំងឡង់ ឥណ្ឌា ណេប៉ាល់ ហ្វីលីពីន ស្រីលង្កា ស៊ុយអែត អេស្ប៉ាញ និងបែលហ្ស៊ិក៕
Bong I.T