កាណាដា៖ លោកតាវ័យ ៨៨ ឆ្នាំម្នាក់ឈ្មោះថា រ៉ូបឺត គឺជាអ្នកដែលស្រលាញ់សត្វឆ្មាមួយរូប ព្រមទាំងបានចំណាយពេលស្ទើរមួយជីវិតជាមួយវាទៅហើយ។ លោកតាជាអ្នកចិញ្ចឹម និងមើលសត្វឆ្មារាប់សិបក្បាលកាលពីលោកនៅមានកម្លាំងមាំមួន ហើយនៅមុនពេលលោកតាធ្លាក់ខ្លួនឈឺ លោកតាក៏មានសត្វឆ្មាចំនួន ៩ ក្បាលកំពុងចិញ្ចឹមផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសារជំងឺរ៉ាំរ៉ៃតាំងពី ១០ ឆ្នាំមុន ដែលកាលនោះគ្រូពេទ្យបានធ្វើរោគវិនិច្ឆ័យឃើញថាគាត់មានជំងឺវង្វេងស្មារតី។ បន្ថែមពីនេះទៀតចាប់តាំងពីខែសីហាឆ្នាំមុនមក លោកតាក៏បានទៅសម្រាកព្យាបាលជំងឺសួត និងជំងឺខ្សោយបេះដូងរ៉ាំរ៉ៃនៅឯមណ្ឌលសុខភាពមួយប្រចាំតំបន់ Peterborough ក្នុងក្រុង Peterborough រដ្ឋ Ontario រហូតមក។
ក្នុងកំឡុងពេលលោកតាកំពុងសម្រាកព្យាបាលនៅមន្ទីពេទ្យអស់ជាយូរថ្ងៃយូរខែមក ធ្វើឲ្យលោកតាមានការនឹងរលឹកដល់សត្វចិញ្ចឹមរបស់គាត់ជាខ្លាំង ទើបគាត់ប្រាប់ទៅកូនស្រីគាត់ម្នាក់ឈ្មោះ Cheryl Yates អាយុ ៦១ ឆ្នាំថាមុនពេលគាត់ស្លាប់ គាត់ចង់បានឆ្មាមកក្បែរគាត់ម្ដងទៀត។ ហើយនៅមុនពេល ២ សប្ដាហ៍ដែលលោកតាស្លាប់ កូនស្រីរបស់គាត់ក៏បានសម្រេចបំណងប្រាថ្នាចុងក្រោយ ដោយបានទិញសត្វឆ្មារ៉ូបូតមួយក្បាលព្រមទាំងដាក់ឈ្មោះឲ្យថា Buddy ដែលវាមានលក្ខណៈរស់រវើកដូចជាសត្វឆ្មាពិតៗអីចឹង។
ទន្ទឹមនឹងនេះ អ្នកស្រី Cheryl Yates មានអារម្មណ៍រំភើបរីករាយនឹងជីវិតចុងក្រោយរបស់ឪពុក បន្ទាប់ពីទទួលបានឆ្មារ៉ូបូតមួយក្បាលនោះ ហើយគាត់ក៏បានឱបវាជាប់នឹងដៃរហូតដល់ដង្ហើមចុងក្រោយតែម្តង៕