អាសូរណាស់! អ្នករើសអេតចាយម្នាក់ បរិច្ចាគប្រាក់សន្សំទៅកាន់វត្ត មុនពេលដែលគាត់ស្លាប់

ថៃ៖ បុរសវ័យចំណាស់ម្នាក់ឈ្មោះ តយ  ជាអ្នករើសអេតចាយ និងតែងដេកនៅមុខហាងលក់ទំនិញ 7-11  ក្នុងខេត្ត Lob Puri បានបរិច្ចាគប្រាក់សន្សំទាំងអស់របស់គាត់ទៅឲ្យវត្តអារាម មុនពេលដែលគាត់ស្លាប់បាត់ទៅ។

យោងតាមការបង្ហោះរូបភាពទៅលើបណ្ដាញសង្គមហ្វេសប៊ុក ដោយគណនីឈ្មោះ เกียรติศักดิ์ เสาที បានបង្ហាញឲ្យឃើញថា ប្រាក់ដែលបុរសវ័យចំណាស់រូបនោះបរិច្ចាគទៅកាន់វត្ត គឺសុទ្ធសឹងជាប្រាក់កាក់ដែលដាក់នៅក្នុងធុង និងព្រះសង្ឈជាច្រើនអង្គកំពុងគង់រាប់។

ប្រភពមិនដឹងច្បាស់ទេថា បុរសវ័យចំណាស់នោះស្លាប់ដោយសារមូលហេតុអ្វី និងចំនួននៃប្រាក់ដែលបានបរិច្ចាគ។ ទោះយ៉ាងណាក្រោយរូបភាពបង្ហោះទៅលើបណ្ដាញសង្គមរួច មានមហាជនជាច្រើនបានសម្ដែងនូវភាពក្ដុកក្ដួល និងកោតសរសើរចំពោះទឹកចិត្តគាត់ ហើយក៏ជូនពរគាត់ឲ្យទៅកាន់សុខគតិភពផងដែរ៕

សូមទស្សនារូបភាពខាងក្រោម៖