ហ្វីលីពីន៖ ព្យុះទីហ្វុង Phanfone បានបោកបក់កាលពីល្ងាចថ្ងៃអង្គារក្នុងល្បឿន១៩០គីឡូម៉ែត្រក្នុងមួយម៉ោង ដោយបាននាំមកទាំងភ្លៀងធ្លាក់ខ្លាំងនិងទឹកជំនន់ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមនុស្សជាង ៥៨,០០០ នាក់ ត្រូវបានជម្លៀសចេញពីផ្ទះរបស់ពួកគេមុនពេលព្យុះបានមកដល់ ជើងហោះហើរជាច្រើនត្រូវបានលុបចោល ខណះមនុស្សជាង ១៥,០០០ នាក់បានចាកចេញពីកំពង់ផែ ស្របពេលការធ្វើដំណើរតាមផ្លូវទឹកត្រូវបានផ្អាក។
ខេត្តដែលមានមនុស្សស្លាប់ច្រើនគឺខេត្តភាគ Capiz, Iloilo និង Leyte ។ នេះរាប់បញ្ចូលទាំងក្មេងប្រុសអាយុ ១៣ ឆ្នាំម្នាក់ដែលត្រូវបានចរន្តអគ្គិសនីឆក់ស្លាប់ ហើយមនុស្សផ្សេងទៀតស្លាប់ដោយដើមឈើបាក់សង្កត់លើនិងគ្រោះថ្នាក់ចរាចរណ៍។
បណ្តាញទូរទស្សន៍ ABS-CBN របស់ហ្វីលីពីនបានរាយការណ៍ថា សមាជិកមួយគ្រួសារបានស្លាប់ទាំងអស់ដោយសារទឹកជំនន់បានជន់លិចភ្លាមៗ ស្របពេលដែលពួកគេព្យាយាមរកផ្លូវធ្វើដំណើរទៅកាន់ទីខ្ពស់។
ព្យុះទីហ្វុងបានធ្វើដំណើរឆ្លងកាត់ពីប្រទេសហ្វីលីពីនកាលពីយប់ថ្ងៃពុធ ហើយឆ្ពោះទៅភាគខាងលិច ដោយវាបានបន្សល់ទុកឱ្យមានមនុស្សស្លាប់និងការខូចខាតទ្រព្យសម្បត្តិជាច្រើន៕
Bong I.T