អង់គ្លេស៖ នៅក្នុងវេលាថ្ងៃសៅរ៍ប៉ូលីសខាងភាគខាងត្បូងតំបន់ Yorkshire ចក្រភពអង់គ្លេសបានធ្វើការឃាត់ខ្លួនអ្នកបើកបរម្នាក់ បន្ទាប់ពីរកឃើញថា គាត់កំពុងបើករថយន្តដែលខូចខាតយ៉ាងធ្ងន់ធ្ងរនៅក្នុងទីក្រុង Rotherham ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ូលិសម្នាក់និយាយថា បុរសម្នាក់នេះបើកឡានដោយមិនមានប័ណ្ណបើកបរដែលមានសុពលភាពនោះទេ។ គាត់បានបើកបរទាំងក្នុងស្ថានភាពស្រវឹងខ្លាំង លើសពីនេះទៀត គាត់ក៏មិនដឹងខ្លួនថាកំពុងបើកឡានទាំងគ្មានសំបកកង់ដែរ។
ប៉ូលិសបានបន្តថា បុរសម្នាក់នេះក៏មិនបានបង្ហាញខ្លួននៅតុលាការចំនួនពីរលើក សម្រាប់បទល្មើសពីមុនមកដែរ ។
ជាការពិតណាស់ នេះមិនមែនជាករណីទី១នៅឆ្នាំនេះទេ ដោយកាលពីខែកក្កដាប៉ូលិសនៅភាគពាយព្យនៃចក្រភពអង់គ្លេសក៏បានបង្ហោះរូបភាពមួយផ្សេងទៀតដែរ ពាក់ព័ន្ធនឹងករណីអ្នកបើកឡានដែលគ្មានសំបកកង់បែបនេះ។
យោងតាមសារព័ត៌មាន Metro News បានឲ្យដឹងថា អ្នកបើកបរក្នុងស្ថានភាពស្រវឹងនៅចក្រភពអង់គ្លេស អាចជាប់ពន្ធនាគាររយៈពេល ៦ខែ ហើយត្រូវបានហាមឃាត់មិនឱ្យបើកបរក្នុងរយៈពេលមួយឆ្នាំរួមទាំងពិន័យជាប្រាក់ជាច្រើនផងដែរ៕
Bong I.T