ភ្នំពេញ៖ ក្រោយបញ្ចប់ជា តារាពេញសិទ្ធិ នៅក្នុងផលិតកម្ម ហង្សមាស កញ្ញា ទេព បូព្រឹក្ស ក៏បានធ្វើអ្វីដែលខ្លួនចង់បាន មិនថាការដើរលេង ការធ្វើអ្វីប្លែកៗ ដែលរូបនាងមិនធ្លាប់បានធ្វើពីមុនផងដែរ។ ប៉ុន្តែទោះបីជានាង ជាតារាឯករាជ្យ យ៉ាងណាក៏ដោយ ក៏រូបនាង នៅតែមានបណ្តាកម្មវិធីនានា ហៅនាងឲ្យទៅច្រៀងសម្តែងដដែល មិនសូវអាក់ខានប៉ុន្មានឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ មួយរយៈចុងក្រោយនេះដែរ តារាស្រីរូបនេះ បានបង្ហាញនូវរសជាតិប្លែកសម្រាប់ ហ្វេនៗ របស់នាង ដោយនាងបានធ្វើជា វីដេអូញ៉ាំអាហារ ដែលសុទ្ធតែអាហារកំពុងតែត្រូវប៉ាន់ សម្រាប់មិត្តយុវវ័យនាពេលថ្មីៗ។ ជាពិសេស មិនថាទឹកមុខ សូម្បីតែមាត់នាង ញ៉ាំ ក៏ធ្វើឲ្យគេឯង លេបទឹកមាត់តាមផងដែរ បើនាងលេងសុទ្ធតែបន្ថែមជាមួយនឹងម្ទេសសាហាវយ៉ាងចាស់នោះ។
មិនត្រឹមតែប៉ុណ្ណោះ វីដេអូញ៉ាំអាហាររបស់នាង ក៏មានអ្នកចុចស៊ែរ រាប់ម៉ឺន ចុចមើល ២ ៣ លានដងឯណោះ ដែលជាចំនួនមួយអាចនិយាយបានថា ច្រើនខ្លាំងណាស់ មិនចាញ់ តារាបណ្តាញសង្គមស្រុកគេ ដែលធ្វើអាហារញ៉ាំប៉ុន្មានទេ៕