ចិន៖ កាលពីថ្ងៃទី៤ ខែវិឆ្ឆិកា ឆ្នាំ២០១៩កន្លងទៅនេះ ម្ចាស់រថយន្ដមួយគ្រឿងម៉ាក SUV បានច្រលំជាន់ហ្គែរស្មានតែហ្វ្រាំង បើកបោះពួយទៅបុកដើមឈើមួយទំហឹង។ ហេតុការណ៍នេះបានកើតឡើងនៅផ្លូវ Minzhu ខេត្ត Guizhou ប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូដែលថតដោយកាមេរ៉ាសុវត្ថិភាពបានបង្ហាញឲ្យឃើញថា បុរសម្នាក់កំពុងជិះម៉ូតូ ក្នុងល្បឿនយឺតៗ នៅលើផ្លូវស្ងាត់។ ភ្លាមៗនោះ ស្រាប់តែ ម្ចាស់រថយន្ដមួយគ្រឿងបានបើកក្នុងល្បឿនយ៉ាងលឿន ទៅបុកនឹងដើមឈើ និងម៉ូតូចំនួនពីរគ្រឿង បណ្ដាលឲ្យរថយន្ដក្រឡាប់។
ប្រភពបានឲ្យដឹងដែរថា ម្ចាស់រថយន្ដនោះមានឈ្មោះថា Pang បានធ្វើដំណើរទៅទទួលកូនប្រុសចេញពីសាលារៀន នៅក្នុងថ្ងៃកើតហេតុ។ ពេលនោះ គាត់បានជាន់ស្គែរ ព្រោះច្រលំស្មានថាជាហ្វ្រាំង។
យ៉ាងណាមិញ ក្រោយពីកើតហេតុរួចមក លោក Pang មិនបានរងរបួសនោះទេ ព្រោះពេលនោះគាត់បានដាក់ខ្សែក្រវ៉ាត់។ ជុំវិញករណីខាងលើនេះ ប៉ូលិសកំពុងធ្វើការស៊ើបអង្កេត ដើម្បីដោះស្រាយបន្ដ៕
សូមទស្សនារូបភាពនិងវីដេអូខាងក្រោម៖