សន្និសីទសារព័ត៌មានស្តីពី «កម្មវិធីសេវាពិនិត្យសុខភាពហិរញ្ញវត្ថុ»!

ភ្នំពេញ៖ ការិយាល័យឥណទានកម្ពុជា ​(CBC) បានរៀបចំសន្និសីទសារព័ត៌មានមួយស្តីពី «កម្មវិធីសេវាពិនិត្យសុខភាពហិរញ្ញវត្ថុ» នៅផ្សារទំនើប អ៊ីអន ម៉ល សែនសុខ នាព្រឹកថ្ងៃទី១៩ ខែតុលា ឆ្នាំ២០១៩ ដើម្បីផ្សព្វផ្សាយឱ្យប្រជាពលរដ្ឋកម្ពុជាបានជ្រាបកាន់តែច្បាស់អំ​ពីអត្ថប្រយោជន៍នៃការត្រួតពិនិត្យសុខភាពហិរញ្ញវត្ថុរបស់ខ្លួនជាទៀងទាត់។

សន្និសីទសារព័ត៌មាននេះ មានវត្តមានជាកិត្តិយស​ពីសំណាក់​លោក អឿ សុធារ័ត្ន ប្រធាន​នាយកប្រតិបត្តិនៃការិយាល័យឥណទានកម្ពុជា (CBC) ក៏ដូចជាតំណាងគណៈគ្រប់គ្រងជាន់ខ្ពស់នៃ​​ភ្នាក់ងារដៃគូយុទ្ធសាស្រ្តរបស់ CBC ដែលមានដូចជា​លោក សួន ពិសី ប្រធាននាយកប្រតិបត្តិអាជីវកម្ម នៃ​គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី និងលោក ណៃ សំបូរ នាយកការិយាល័យទិន្នន័យឥណទាន នៃធនាគារអេស៊ីលីដា ភីអិលស៊ី ព្រមទាំងអ្នកសារព័ត៌មានជាច្រើន​​មកពីស្ថាប័នផ្សេងៗ និងប្រជាពលរដ្ឋ​ទូទៅ​ដែល​បានអញ្ជើញ​មកកម្សាន្តនៅផ្សារទំនើប អ៊ីអន ម៉ល សែនសុខ ផងដែរ។

សេវាពិនិត្យសុខភាពហិរញ្ញវត្ថុ គឺជាសេវាកម្មមួយរបស់ CBC ដែលអនុញ្ញាតឱ្យប្រជាពលរដ្ឋទូទៅអាចពិនិត្យមើលរបាយការណ៍ឥណទាន ឬលទ្ធភាពក្នុងការប្រើប្រាស់ឥណទានរបស់ខ្លួន​ តាមរយៈ CBC ឬភ្នាក់ងារដៃគូ។ ការតាមដាន​ពីស្ថានភាព​សុខភាព​ហិរញ្ញវត្ថុរបស់ខ្លួនជាប្រចាំ​គឺមានភាពចាំបាច់សម្រាប់ប្រជាពលរដ្ឋទូទៅ ដោយសារវាផ្តល់ឱកាស​វិភាគដោយខ្លួនឯង​អំពី​លទ្ធភាព​ក្នុងការប្រើប្រាស់ឥណទាន និងសមត្ថភាពក្នុងការសងត្រលប់ មុនពេល​ធ្វើការស្នើសុំឥណទានទៅតាមស្ថាប័នឥណទាននានា និងអាច​បញ្ជាក់ព្រមទាំង​ផ្ទៀងផ្ទាត់អំពីភាពត្រឹមត្រូវនៃព័ត៌មានផ្ទាល់ខ្លួន​ ក៏ដូចជាព័ត៌មានកម្ចីដែលកំពុងចែករំលែកនៅក្នុងប្រព័ន្ធចែករំលែកព័ត៌មានឥណទាន ហើយអាចដាក់ពាក្យស្នើសុំទៅ CBC ដើម្បីធ្វើការកែប្រែ​ព័ត៌មាន ដែលមិនត្រឹមត្រូវនៅក្នុងរបាយការណ៍ឥណទានរបស់បុគ្គលម្នាក់ៗ​ផងដែរ​។

នៅក្នុងសន្និសីទសារព័ត៌មាននេះលោក អឿ សុធារ័ត្ន ប្រធាននាយកប្រតិបត្តិនៃការិយាល័យឥណទានកម្ពុជា​ បានលើកឡើងតាមរយៈការថ្លែងសុន្ទរកថាបើកកម្មវិធីថា៖

លោកក៏បានបញ្ជាក់បន្ថែមផងដែរថា៖

ដើម្បីមានឱកាសប្រាស្រ័យទាក់ទង និងប្រឹក្សាយោបល់​ជាមួយអតិថិជនជាសាធារណជនឱ្យបានរឹតតែប្រសើរ ការិយាល័យឥណទានកម្ពុជាបានប្រារព្ធ កម្មវិធីត្រួតពិនិត្យសុខភាពហិរញ្ញវត្ថុ នៅទីប្រជុំជនក្នុងផ្សារទំនើប អ៊ីអន ម៉ល សែនសុខ ដោយមានក្រុមការងារជំនាញ​ពី CBC ប្រចាំការប្រឹក្សាយោបល់ទាក់ទងនឹងសុខភាពហិរញ្ញវត្ថុ ក៏ដូចជារបាយការណ៍ឥណទានផ្ទាល់ខ្លួនជូនដល់សាធារណជន ដែលបានអញ្ជើញមកកម្សាន្តនៅទីនោះ ដើម្បីឲ្យជ្រាបកាន់តែច្បាស់អំពីស្ថានភាពហិរញ្ញវត្ថុផ្ទាល់ខ្លួនរបស់ពួកគាត់ និងអាចស្នើសុំរបាយការណ៍ឥណទានផ្ទាល់ខ្លួនដោយមិនគិតថ្លៃផងដែរ។

លោក សួន ពិសី ប្រធាននាយកប្រតិបត្តិអាជីវកម្មនៃគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី​ ​បានមានប្រសាសន៍ថា៖

លោក ណៃ សំបូរ នាយកការិយាល័យទិន្នន័យឥណទាននៃធនាគារ អេស៊ីលីដា ភីអិលស៊ី បានលើកឡើងថា៖

«ខ្ញុំជឿជាក់ថា ការសហការជាមួយការិយាល័យឥណទានកម្ពុជាក្នុងការដាក់ដំណើរការសេវាត្រួតពិនិត្យសុខភាពហិរញ្ញវត្ថុនេះគឺអាចជួយសម្រួល និង​អាចឲ្យបងប្អូនទាំងឆ្ងាយទាំងជិតងាយស្រួលក្នុងការពិនិត្យមើលរបាយការណ៍ឥណទានរបស់ខ្លួនបានកាន់តែខ្ជាប់ខ្ជួនជាមួយសាខាសរុបចំនួន ២៦២ របស់ធនាគារអេស៊ីលីដា។ បងប្អូនពុំចាំបាច់ធ្វើដំណើរ និងចំណាយពេលយូរ ដោយគ្រាន់តែអញ្ជើញ​ទៅសាខាណាមួយដែលនៅជិតលោកអ្នក នោះជាការ​ស្រេច»។

ដោយបន្ថែមថា៖

ក្នុងរយៈ​ពេល​ពេញមួយថ្ងៃនេះ ការិយាល័យឥណទានកម្ពុជា (CBC) ក៏មានអ្នកជំនាញ ដើម្បីជួយប្រឹក្សាយោបល់ទាក់ទងនឹងសុខភាពហិរញ្ញវត្ថុ ក៏ដូចជាផ្តល់ការឆែករបាយការណ៍ឥណទានផ្ទាល់ខ្លួនដោយឥតគិតថ្លៃ ដើម្បីឱ្យបានជ្រាបកាន់តែច្បាស់អំពីស្ថានភាពហិរញ្ញវត្ថុផ្ទាល់ខ្លួនរបស់ពួកគេ ដែលទីតាំងប្រឹក្សាយោបល់ គឺស្ថិតនៅជាន់ផ្ទាល់ដីតាមច្រកចូលកណ្តាលនៃផ្សារទំនើប អ៊ីអន ម៉ល សែនសុខ ពីម៉ោង១១ព្រឹក រហូតដល់ម៉ោង៩យប់៕