បារាំង៖ ប្រធានក្លិប Lyon លោក Jean-Michel Aulas បានប្រាប់ឲ្យដឹងថាអ្នកចាត់ការទូទៅ Jose Mourinho បានបដិសេធក្នុងការមកដឹកនាំក្លិបរបស់លោក ដោយអ្នកចាត់ការទូទៅសញ្ជាតិព័រទុយហ្គាល់រូបនេះមានក្លិបដែលចង់ដឹកនាំនៅក្នុងចិត្តរួចទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Aulas បានទាក់ទងអតីតអ្នកចាត់ការទូទៅ Chelsea លោក Mourinho ក្រោយសម្រេចបណ្ដេញចេញលោក Sylivnho ពីតំណែងអ្នកចាត់ការទូទៅ Lyon បន្ទាប់ពីប្រកួតចាញ់ Saint-Etienne កាលពីថ្ងៃអាទិត្យ។
Mourinho មិនទាន់ទៅដឹកនាំក្លិបណាមួយនៅឡើយ ក្រោយចែកផ្លូវគ្នាជាមួយបិសាចក្រហម Manchester United កាលពីខែធ្នូ ឆ្នា២០១៨។ បើទោះបីជាឆ្ងាយពីអាជីពជាអ្នកចាត់ការទូទៅជាង ១០ខែ ក៏អ្នកចាត់ការទូទៅរហស្សនាម Special One រូបនេះបានបដិសេធមិនព្រមមកដឹកនាំ Lyon ព្រោះលោកមានក្លិបដែលចង់ដឹកនាំរួចទៅហើយ។
មួយរយៈចុងក្រោយនេះមានសារព័ត៌មានជាច្រើនបានចុះផ្សាយថា Mourinho ចាប់អារម្មណ៍ចង់ត្រឡប់ទៅដឹកនាំ Real Madrid វិញបន្ទាប់ពីឃើញក្លិបយក្សអេស្ប៉ាញចាញ់ Paris Saint-Germain ៣ទល់នឹង០ ក្នុងការប្រកួត UEFA Champions League៕
ប្រភព៖ Marca