ខេមរៈ សិរីមន្ត លេងខ្លួនឈុតគេងយប់ ក្នុងពិធីខួបកំណើត កូនប្រុសសំណព្វយប់មិញ ពោរពេញដោយក្តីសុខ!

ភ្នំពេញ៖ ពីមួយថ្ងៃទៅមួយថ្ងៃ តារាចម្រៀងប្រុសលោកខេមរៈ សិរីមន្ត កាន់តែមានសុភមង្គលនិងក្តីសុខកាន់តែខ្លាំងឡើងជាមួយនឹងក្រុមគ្រួសារ ខណៈពេលដែលកូនៗទាំង៣កាន់តែធំឡើង យ៉ាងគួរឲ្យស្រលាញ់។

ជាក់ស្តែងកាលពីយប់មិញនេះ ជាថ្ងៃកំណើតកូនប្រុសច្បងរបស់តារាប្រុសរូបនេះ លោក ក៏ដូចជាក្រុមគ្រួសារ បាននាំគ្នារៀបចំពិធីខួបកំណើតយ៉ាងសាមញ្ញ ក្រោមការជួបជុំក្រុមគ្រួសារយ៉ាងរីករាយបំផុត។

ក៏ប៉ុន្តែអ្វីដែលគួរឲ្យចាប់អារម្មណ៍នោះគឺ តារាប្រុសរូបនេះបានធ្វើការលេងខ្លួនយ៉ាងប្លែកភ្នែកតែម្តង ជាមួយនឹងសម្លៀកបំពាក់សាមញ្ញ រលុងៗជាឈុត មើលទៅស្រដៀងឈុតគេងយប់តែម្តង។ ក៏ប៉ុន្តែទោះបីជាលោកស្លៀកពាក់បែបនេះ យ៉ាងណាក្តី សម្រស់តារាប្រុសរូបនេះនៅតែស្រស់សង្ហាតែម្តង។

ក្រោមកម្មវិធីដ៏រីករាយមួយនេះ ឃើញថាគ្រួសាររបស់លោកពិតជាមានសុភមង្គលខ្លាំង ទោះការរៀបចំយ៉ាងសាមញ្ញយ៉ាងណាក្តី៕

សូមទស្សនារូបភាពខាងក្រោមនេះ៖