ឃើញហើយចង់លើសជាតិស្ករ ពេល ញ៉ែម សុគន្ធ បង្ហាញភាពផ្អែមល្ហែម ជាមួយភរិយាកំពុងពរពោះ

ថៃ៖ ដូចដែលប្រិយមិត្ត បានជ្រាបរួចមកហើយពី លោក​ ញ៉ែម សុគន្ធ ដែលជាតារាសម្ដែងប្រុសនិងជាពិធីករ ដ៏ពេញនិយមមួយរូប ថែមទាំងបានឆាបយកបេះដូង បានពីហ្វេនៗជាច្រើនដោយសារតែរូបសម្បត្តិខ្ពស់សង្ហា។

ដោយឡែក បើងាកមើល ជីវិតគ្រួសារ របស់តារាប្រុសរូបនេះវិញ មើលទៅកំពុងមានសេចក្ដីសុខយ៉ាងខ្លាំងជាមួយភរិយា ជាទីស្រលាញ់ដ៏ស្រស់សោភា ដែលកំពុងពរពោះកូនដំបូងក្នុងផ្ទៃផងដែរ។

ជាក់ស្ដែង កាលពីពេលថ្មីៗនេះ គូស្វាមីភរិយាមួយគូនេះ បានធ្វើឲ្យហ្វេនៗ ចង់លើសជាតិស្ករ សារជាថ្មី ពេលបានឃើញកម្រងរូបភាព ជាច្រើនសន្លឹក​រវាងលោក ញ៉ែម សុគន្ធ និងម្ចាស់ចិត្តទៅដើរកម្សាន្តកសាងភាពរ៉ូមែនទិក នៅប្រទេសថៃឯណោះ។

ក្នុងនោះដែរ គេសង្កេតឃើញថា អ្នកទាំងពីរ ពោរពេញដោយភាពសប្បាយរីករាយ យ៉ាងក្រៃលែង ជាពិសេស​រាល់រូបភាពទាំងនោះ លោក ញ៉ែម សុគន្ធ បានបញ្ចេញកាយវិការថ្នាក់ថ្នមជាមួយភរិយា យ៉ាងផ្អែមល្ហែម គួរឲ្យច្រណែន៕

ចង់ជ្រាបច្បាស់​ ទស្សនារូបភាពខាងក្រោម៖