ទាក់ទងគ្នាទើបតែបាន៤ខែ Crish ប្រកាសចែកផ្លូវគ្នានឹងកម្លោះហាយសូរ នោះបាត់ទៀត

ថៃ៖ ដូចដែលប្រិយមិត្តធ្លាប់បានជ្រាបរួចហើយថា បើទោះបីតារាស្រី កញ្ញា Crish Horwang និងគូស្នេហ៍ មិនសូវជាបង្ហាញពីទំនាក់ទំនងស្នេហាខ្លួនជាសាធារណៈក៏ពិតមែន ប៉ុន្តែគេឃើញថាអ្នកពីរពិតជាស្រលាញ់ និងតែងតែបារម្ភពីគ្នាគ្រប់ពេលវេលាតែម្ដង។

ដោយឡែក កាលពីថ្មីៗនេះ អ្វីដែលធ្វើឲ្យមហាជនមានការភ្ញាក់ផ្អើលជាខ្លាំងនោះ គឺតារាស្រី កញ្ញា Crish ក៏បានចេញមុខប្រកាសដំណឹងចែកផ្លូវគ្នានឹងអតីតមិត្តប្រុសហាយសូរខ្លួនជាសាធារណៈវិញ ដោយការប្រកាសនេះក្រោយពេលរូបនាង និងគូស្នេហ៍ បានចែកផ្លូវគ្នាមកជាង២ខែហើយផងដែរ។

យ៉ាងណាមិញ តារាស្រីរូបនេះ ក៏នៅតែអះអាងថាការចែកផ្លូវគ្នានេះ មិនមែនដោយសារនរណាម្នាក់ មានអ្នកថ្មីនោះទេ ដោយគ្រាន់តែពួកគេ គិតថាការវិលមកធ្វើជាមិត្តភក្តិនឹងគ្នាដូចមុន វាអាចប្រសើរជាងពេលពួកគេទាក់ទងគ្នា៕