ភ្នំពេញ៖ មិនថាទីផ្សារសិល្បៈ និងរបររកស៊ីរបស់ ណាតាយ៉ា គឺហាក់ដូចជា ឡើងស្រឺតៗតែម្តង នៅក្នុងឆ្នាំ២០១៩នេះតែម្តង ដោយមួយរយៈមុននេះ នាងក៏បានសម្ពោធហាងរក្សាសម្ផស្សផងដែរ ក្រោយទទួលបានការគាំទ្រ ពីសំណាក់មហាជន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរងាកទៅមើល សម្រស់របស់ ស្រីស្អាតរូបនេះ ក៏អាចនិយាយបានថា មានភាពលេចធ្លោ មិនចាញ់តារារួមសិល្បៈ ឬរៀមច្បងអ្វីនោះដែរ គឺស្រស់ស្អាត តាមបែបផែនរបស់នាង។ ប៉ុន្តែអ្វីដែល ធ្វើឲ្យហ្វេនសរសើរនោះថា នាងហ៊ានបញ្ចេញ នូវរូបថត កាលពីនាងមិនទាន់កែកុនមុខរបស់នាងកាលពីប៉ុន្មានឆ្នាំមុន មកដាក់ប្រៀបធៀប ជាមួយនឹងរូបបច្ចុប្បន្ន។ ជាមួយគ្នានោះ កាលពីនាង មិនទាន់កែសម្ផស្ស ក៏មុខរបស់ណាតាយ៉ា ស្រស់ស្អាតដែរ តែមិនសូវលេចធ្លោខ្លាំង ដូចពេលសព្វថ្ងៃ ដោយទម្រង់មុខនាងរៀងខ្លីបន្តិច។
យ៉ាងណាមិញ ហ្វេនក៏បានពេញចិត្ត ជាមួយនឹងទម្រង់មុខថ្មីរបស់នាង ហើយក៏សរសើរ ទៅលើនាង ដែលបញ្ចេញនូវធាតុពិតរបស់ខ្លួន កាលពីមុន ព្រោះថា តារាភាគតិចណាស់ ហ៊ានបង្ហាញបែបនេះ៕